2 Peter 2:14 - Sa Ugud Apudyus

¹⁴ Ḵad pionda adaḻugon da ngaimane bubai ye ilanda, adidapun mappoge bumasubasuḻ. Nalaingda bose angawis atta tagu we adipun ampigsa pammatida ta masubsubdae bumasuḻ. Ummingsada si ḵamommod. Aaddi ye dusaon Apudyus dida.

2 Peter 2:14 Iomraidhean Croise

Matthew 12:34

Diḵayu we ganaḵ ni uḻog! Ngai inonae ambaḻu da ugudonyu si gagangaye lawweng ḵayu? Te sa mapopompon atta somsomoḵyu, siya ugudon da sungadyu.

Matthew 23:14

“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 5:28

Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna.

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

John 5:44

Ngai inonyu we amati nu siya pionyu an-asidayaw ḵayu ḵad adiyupun sington dayawe maḻpu si ossaane Apudyus?

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

2 Peter 3:16

Ḵad losan atta suḻatna imbagana da anna. Awad ḵammos da ansigabe maawatan. Ḵad da tagu we aḵit igammuda ya adipun ampigsa pammatida, baliwanda ustu we piona ḵanan, isun os ni ḵoonda'tta udume nigili ye Ugud Apudyus. Gapu'tte angwaanda si sadi, madusada'ḵ inggana.

1 John 2:16

Te da losane isun da sana: da banage pion da tagu we adipun amati, da amaamayonda, da itollongda ya da angipasindayaw atta ḵinatataguda, da sanae banag daḵampun ḵan Apudyus we Ama taḵu naḻpuwanda yaḵon naḻpuda'tte annae luta.

Jude 1:11

Ḵaddaguda te gattoḵe ampaḵimut dusada! Te unudonda lawwenge ugalin Cain, ḵad sa basuḻda isuna basuḻ Balaam we ḵamommod si pilaḵ ya sullagiyonda bos da angipangpangu ḵan didae isun ni ḵingwan Korah ḵan Moses atte awe. Gapu'tta ḵoḵoḵḵonda, madusada'ḵ ingganae isun ni dusan Korah.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.