2 Peter 2:12 - Sa Ugud Apudyus

¹² Yaḵon da sanae angituttudu si daḵampun aḵ tuttuwa, an-ugudda'ḵ lawweng atte adidapun maawatan. Isudan tanane ayame miyanaḵda ta madoḵmaanda ya mapatoyda. Ḵad sa ambanagana, madadailda.

2 Peter 2:12 Iomraidhean Croise

Mark 7:22

andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og.

John 8:21

Ḵanan os Jesus ḵasin, “Iyyaḵon ya asiyu sington saḵon. Yaḵon adiḵayupun maḵaali si ayaḵ te matoy ḵayu we adipun napakawan da basuḻyu.”

Galatians 6:8

Inigammuyu we ngaimane imuḻayu, sanat apitonyu. Pun sa tagu we siya imuḻamuḻana unudon da pipion ni long-agna, apitona madadailana'ḵ ingganae maḻpu'tte pipion ni long-agna. Yaḵon sa angimuḻamuḻa si pinion ni Ispiritu Santu, apitona biyag aḵ ingganae itton ni Ispiritu Santu.

Colossians 2:22

Da sanae ug-ugali mipanggob ay lawa'tta banage maḻaḵpuse isun da maḵane mawawanda. Sa naḻpuwan da bilin ya da tuttudu, ḵasomsomḵan da tagu.

2 Peter 1:4

Gapu si ḵinadayawna ḵan ḵinabaḻuna, innatodna ḵan ditaḵu da ampapatog ya ambabaḻu we inkarina ta mipagapu'tta sana, miligsi taḵu'tta amaamayon da tagu'tte lubunge anadail ḵan dida ya sa ugali taḵu miyisu ḵan Apudyus.

2 Peter 2:19

Ikaridae mapuḵayan da sanae tagu nu unudonda da ituttududa. Yaḵon sa ḵatuttuwaan, didae mismu musassu'tta basuḻe angaissaw ya anadail ḵan dida. Te sa tagu, ambalin aḵ musassu si ngaimane angngog ḵan siya.

Jude 1:10

Yaḵon da sanae tagu we adipun naapudyusan, an-ugudda'ḵ lawwenge misullagi'tta banage adidapun maawatan. Isudan ayam te adidapun maḵaḵasḵasmoḵ nu ngai ambaḻu ḵan lawweng ya siya unudonda da gagangaye lawwenge pipionda. Ḵad da sanae banag anadail ḵan dida.