2 Peter 2:10 - Sa Ugud Apudyus

¹⁰ Sindumallu dusan da angunud atta pipionda ya adidapun bigbigon ḵaḻabbongan Apudyus. Da sadi ye angituttudu si daḵampun aḵ tuttuwa, antuḻoddae angwa'tta lawweng ya ipatutda pipionda. Adidapun os maḵimute an-ugud aḵ lawweng mipanggob atta madaydayawe anghel.

2 Peter 2:10 Iomraidhean Croise

Luke 11:25

Dumatong ḵad aḻan, odasana sadi ye tagu we napaḻyawanae ippun ogon sinsadi aḻan ḵan siyae isun ni boḻoye ampoḻḵas ḵan nauḻnus.

Luke 19:14

“Yaḵon summanga da ḵailiyana ḵan siya, pun nangibuunda'ḵ udume tagu'ḵ mitun-ud ḵan siyae umoy angibaga'tte osae anutuḵ ḵan siya'ḵ an-ari ye ḵanana, ‘Adinipun paat pione siya an-arini.’

Acts 23:5

Ḵanan Paul, “Susunudḵu we ganaḵ Israel, nu inigammuḵ oḵyane siya ḵangatuwane padi, adiḵpun oḵyan imbabbain. Te ḵanan ni nigili ye Ugud Apudyus, ‘Adim an-ugudan aḵ lawweng da papangat si iliyu.’ ”

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

2 Corinthians 10:3

Te taḵon ay nu abuse tagu ḵani si annae lubunge isuyu, adiḵanipun maḵagubat atta bumusuḻ ḵan diḵani ye isun ni ḵoon da adipun namati.

Ephesians 4:19

Ippun ogon igammudae bumain te ngaimane pion ni long-agdae ḵaissaw ya ḵababbain, adidapun agaye angwa.

Ephesians 5:5

Te inigammuyu we naippun maḵadagdagas ya angwa'tta ḵababbain aḵ midoga si ampangatan Kristu ya aḵ Apudyus. Isuna bos da ḵamommodona ḵuwan da udum te sa ḵamommodna, siya isun di apudyusna.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

1 Thessalonians 4:7

Te adimpun Apudyus ditaḵu pinili ta angwa taḵu'tta ḵaissaw ya ḵababbain yaḵon mitotoḵḵon taḵu'ḵ taguna ta bumaḻu ugali taḵu.

2 Timothy 3:2

Te sa ugalin da tagu'tte sadi, abus aḵ ayatonda long-agda, ḵamommodda si pilaḵ, itaḻayagda da long-agda ya ansoḵaḻ da somsomoḵda. Amsewonda da buḻunda, adidapun tuttuwaon da amada ḵan inada, ippun igammudae anggappiya ya adidapun amati ḵan Apudyus.

Titus 1:7

Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

2 Peter 3:3

Sosomḵonyu anna te gattoḵe ampatog: Nu dumatong anungus ni aḻgaw, tumoḵwaḻ da umang-angyage siya unudonda pipion da long-agda. Ḵad ḵanandae angang-angyag ḵan diḵayu,

Jude 1:10

Yaḵon da sanae tagu we adipun naapudyusan, an-ugudda'ḵ lawwenge misullagi'tta banage adidapun maawatan. Isudan ayam te adidapun maḵaḵasḵasmoḵ nu ngai ambaḻu ḵan lawweng ya siya unudonda da gagangaye lawwenge pipionda. Ḵad da sanae banag anadail ḵan dida.

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.

Jude 1:18

Ḵananda ḵan diḵayu, “Nu dumatong anungus ni aḻgaw, awad da tagu we umang-angyage da angunud si pipiondae lawweng.”

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.