2 Peter 2:1 - Sa Ugud Apudyus

¹ Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

2 Peter 2:1 Iomraidhean Croise

Matthew 10:33

Ḵad ngaimane amuḵlit ḵan saḵon si sinagung da tagu, puḵlitaḵ os si sinagung Amaḵ ad langit.”

Matthew 24:11

Adu da sinan profeta we ampaila ḵad adu da allelawonda.

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 24:5

Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu, gapu si ḵanandae ‘Saḵon Kristu,’ ḵad adu da tagu we allelawonda.

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Luke 12:9

Ḵad ngaimane amuḵlit ḵan saḵon si sinagung da tagu, puḵlitaḵ os si sinagung da anghel Apudyus.

Luke 21:8

Pun ḵanana, “Ummanyu ta adi ḵayu maallelaw. Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu gapu si ḵanandae ‘Saḵon Kristu,’ ya ḵananda bos, ‘Madam-an dumaḵngan ni sadi ye aḻgawe misaḻdan ni ampangatan Apudyus.’ Yaḵon adiyu unudon dida.

Luke 6:26

Ḵaddagu ḵayu bos nu itaḻayag diḵayu'tta losane tagu, te iissuna bos ḵingwan da danaḵḵoḻda'tta sinan profeta.”

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

1 Corinthians 6:20

te nasubut taḵu'ḵ amod. Pun ḵasapuḻane usaron taḵu long-ag taḵu'ḵ madayawan Apudyus.

1 Corinthians 7:23

Nasubut ḵayu'ḵ amod. Pun daḵampun oḵyan aḵ ambalin ḵayu'ḵ musassun da tagu.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Galatians 4:17

Da sadi ye angituttudu si daḵampun aḵ tuttuwa, paspas-oman diḵayu si an-awisanda yaḵon lawweng panggobda, piondae misina ḵayu ḵan saḵon ta dida abus aḵ dongngonyu.

Galatians 5:20

Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada.

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Philippians 3:19

Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

1 Timothy 5:8

Te nu awad namati'ḵ adinapun paat pione angayyuwan atta susunudna, amod ay da ḵabaḻyanna, isun di nan-awidana pammatina ya amo sillumaweng nu sa daampun aḵ namati.

2 Timothy 4:3

Te dumatong timpu we adimpun da tagu pione andongoḻ atte tuttuwae tuttudu ḵad gapu ta pionda unudon awad si somsomoḵda, an-ayagda'tta tagu we angituttudu'tta piondae dongngon.

Titus 1:11

Ḵasapuḻane paginḵona dida te dumadailda'tta pammatin da amode baḻyan, gapu si angituttuduwanda'tta daḵampun oḵyan aḵ mituttudu. Sa panggobdae angwa'tte ḵaḵna, ampabain te sa pilaḵe abus gagamgamanda.

Titus 3:10

Nu awad tagu'ḵ angituttudu si tinutuli ye angisina'tta namati, bagbagaam ta iginoḵna. Nu amigwae bagbagaam ya adinapun paat tuttuwaon, adim os paat buḻbuḻunon,

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

1 Peter 1:8

Adiyupun innila'ḵ Jesu Kristu yaḵon inay-ayatyu. Taḵon ay nu adiyupun ilan sinsadi, amati ḵayu ḵan siya. Pun amo allaylayad ḵayu'tte adipun mibungangay ya ippun miyisuwanae laylayad.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

1 John 2:26

Inggiliḵ anna ḵan diḵayu mipanggob atta amappadas angallelaw ḵan diḵayu.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

Jude 1:18

Ḵananda ḵan diḵayu, “Nu dumatong anungus ni aḻgaw, awad da tagu we umang-angyage da angunud si pipiondae lawweng.”

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Revelation 13:14

Pun inallelawna da adipun namati'd luta gapu'tta nakaskasdaawe sinyale niyunude ḵingwana si nanserserbiyana si ummunae ḵaog-ogyate ayam. Pun imbagana ḵan dida ta angwada'ḵ sinan-ayame dayawondae isun ni ummunae ayame nasugat atte ispada yaḵon sissiyae natagu.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Revelation 3:8

Igammuḵ da ḵooḵoonyu. Igammuḵe aḵit ḵabooḻanyu yaḵon impapatiyu tinuttuwa da imbagaḵ ya adiyupun pinuḵlitan ngadanḵu. Pun inniggaḵ atte sinagungyu isun di sawange mabubuḵḵatan para ḵan diḵayu we naippun maḵaiyonob.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.

Revelation 6:10

Ḵanandae nangidangsoḻ, “Apudyus we maḵabooḻ atta losan, siḵa gattoḵe nasantuwan ḵan tuttuwa, ḵamaan ni anguwisam ḵan angibaḻosam atta tagu'd lutae namatoy ḵan namapoy-as atta daḻani?”