2 Peter 1:7 - Sa Ugud Apudyus

⁷ Losan atta sanat, sa naapudyusane antatagu dog-anyu ayat atta susunudyu we namati ya sa ayat os atta ngaimane tagu.

2 Peter 1:7 Iomraidhean Croise

Romans 12:10

An-asiayat ḵayu we isun ni an-aayat da mismu we ansusunud. Ḵad ibelangyu da bubuḻunyu'ḵ napatpatog nu diḵayu.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

Colossians 3:14

Ḵad ḵasapuḻan ose idogayu ayat atta annae ambaḻu we ugali te nu an-asiayat ḵayu, siya gaḻut ni an-os-ossaanan da somsomoḵyu.

1 Thessalonians 3:12

Dog-an oḵyan Apu ayatyu ta lumay-as atta buḻunyu ya losane tagu we isun ni ayatni ye lummay-as ḵan diḵayu.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

Hebrews 13:1

Pagatupanyu we an-asiayate isun di ansusunud ḵan Kristu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:17

Patganyu oḵyan da losane tagu, ay-ayatonyu da susunudyu ḵan Kristu ya isipogyu'ḵ Apudyus ya patganyu bos ari.

1 Peter 3:8

Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

1 John 4:21

Pun annaya imbilin Apudyus ḵan ditaḵu: Sa angay-ayat ḵan Apudyus, ḵasapuḻan ose ayatona da asintataguna.