1 Peter 5:3 - Sa Ugud Apudyus

³ Adiyu bos ipatut pionyu'tta tagu we nitaḻgod ḵan diḵayu yaḵon diḵayu oḵyan ampaniyan si ambaḻu we ugali.

1 Peter 5:3 Iomraidhean Croise

John 13:15

Ḵingwaḵ anna ta awad ampaniyanyu. Ta ḵoonyu oḵyan os da ḵingwaḵ ḵan diḵayu.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Corinthians 11:11

Yaḵon sosomḵonyu we gapu'tte niyossaanan taḵu ḵan Apu, sa bubai ḵasapuḻana laḻaḵi ḵad sa laḻaḵi ḵasapuḻana bubai.

1 Corinthians 3:5

Ngai ḵad ain aḵ Apollos? Ngai'ḵ Paul? Sammilu ḵani ḵan Apudyus ḵad mipagapu ḵan diḵani namati ḵayu. Awad osa ḵan diḵani ḵoona nipabiyang ḵan siyae innatod Apu ḵan diḵani.

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

2 Corinthians 1:24

Daḵampun aḵ siya panggobni ipangatanni diḵayu mipanggob si pammatiyu. Yaḵon badanganni diḵayu ta amo lumayad ḵayu te ampigsa pammatiyu.

2 Corinthians 4:5

Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus.

Philippians 3:17

Susunudḵu ḵan Kristu, an-os-ossaan ḵayu oḵyane angunud ḵan saḵon. Ilanyu oḵyan os da angunud si nantataguni ye impailani ḵan diḵayu ta dida da unudonyu, daḵampun atta udum.

Philippians 4:9

Da losane inadaḻyu ḵan saḵon, da dingngoḻyu ya innilayu, siya oḵyan pagay pasige unudonyu ya aḵ Apudyus we angitod si lin-awa, siya amuḻun ḵan diḵayu.

1 Thessalonians 1:7

Pun diḵayu da nambaline ambaḻu'ḵ unudon da losane namati sinat ad Macedonia ya sina'd Achaia.

2 Thessalonians 3:9

Ḵingwani da ḵatti ta awad ampaniyanyu unudon taḵon ay nu anna ḵaḻabbonganni ye anḵodaw ḵan diḵayu'tta masapuḻni.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

Titus 2:7

Siḵa ḵad os, pasig oḵyane ambaḻu ugalim ta sa ḵinabaḻum, siya unudon da buḻunnu. Ilam ta sa antuttuduwam, maḻpu si naimpusuwane ḵasomsomḵam. Ḵad sa inome angibaga, mibagay os atta ampatoge ituttudum.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.