1 Peter 5:12 - Sa Ugud Apudyus

¹² Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.

1 Peter 5:12 Iomraidhean Croise

John 21:21

Innilan ḵad Peter, ḵanana ḵan Jesus, “Apu, ngai inon ni annae tagu nu?”

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Romans 5:2

Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus.

1 Corinthians 15:1

Susunudḵu ḵan Kristu, pioḵe ipaspasmoḵ Ambaḻu we Damag we sa iwwaḻagawagḵu ḵan diḵayu, sadi bos inawatyu ḵan lummamutan da pammatiyu.

2 Corinthians 1:19

Te aḵ Jesu Kristu we Abeng Apudyus we iwwaḻagawagni ḵan da Silas ya aḵ Timothy ḵan diḵayu, adinapun baliwan ibagana nu adi pasige ituttuwana.

2 Corinthians 1:24

Daḵampun aḵ siya panggobni ipangatanni diḵayu mipanggob si pammatiyu. Yaḵon badanganni diḵayu ta amo lumayad ḵayu te ampigsa pammatiyu.

Ephesians 3:3

Te impaigammun Apudyus ḵan saḵon planunae adipun nipaigammu si awe ḵad siya annae inggiliḵ si suḻatḵu.

Ephesians 6:21

Ibuunku'ḵ Tychicus ḵan diḵayu ta ipaigammuna da losane maḵmaḵwa ḵan saḵon. Siya osa'tta sunud taḵu ḵan Kristu we ay-ayatoḵ ya mataḻgodane sammilu ḵan Apu.

Colossians 1:7

Inadaḻyu anna ḵan Epaphras we ay-ayatonni ye buḻun ya mataḻgodane anserbi ḵan Kristu we angiyugud ḵan diḵani sinat,

Colossians 4:7

Aḵ Tychicus angipaigammu ḵan diḵayu'tta losane naḵwa ḵan saḵon. Ḵad siya osa'tta sunud taḵu ḵan Kristu we ay-ayatoḵ ya buḻunḵu we mataḻgodane sammilun Apu.

Colossians 4:9

Maḵaoy aḵ Onesimus ḵan siya, sa ay-ayaton ya mataḻgodane sunud taḵu ḵan Kristu we osa ḵan diḵayu. Sana da duwae umoy angibaga ḵan diḵayu'tta losane maḵmaḵwa sina.

1 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus.

2 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu.

Hebrews 13:22

Susunudḵu ḵan Kristu, ḵodawoḵ ḵan diḵayu ta anusanyu dongngon da annae bagbagaḵe anoḻgag ḵan diḵayu te abobba annae suḻatḵu.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 4:10

Ḵad da ḵabooḻane innatod Apudyus atte sin-ossaossae namati, usaronyu we anserbi'tta buḻunyu we isun di mataḻgodane sammilu we angayyuwan atta nankalakalasi ye bindisyune innatod Apudyus.

2 Peter 1:12

Pun siya gapunae ipapatiḵe angipaspasmoḵ ḵan diḵayu ta isisimoḵyu losan da sana taḵon ay inigammuyu dida ya ipapatiyu we angunud si ḵatuttuwaane nituttudu ḵan diḵayu.

2 Peter 2:15

Nan-awidandae angwa'tta ambaḻu ya nalimuda. Inunudda ugalin Balaam we abeng Beor we naḵabasuḻ gapu'tte pipionae pabayad si ḵoonae lawweng.

3 John 1:12

Aḵ Demetrius ḵad, ambaḻu ibagabagan da adu we tagu atte mipanggob ḵan siya ya tuttuwa da sana te maila si antataguna. Panoḵnoḵanni bos mipanggob ḵan siya ya igammume tuttuwa da annae ibagani.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.