1 Peter 5:1 - Sa Ugud Apudyus

¹ Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

1 Peter 5:1 Iomraidhean Croise

Luke 24:48

Diḵayu we mismu anaḵdoḻe ḵatuttuwaan da innilayu.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

Acts 15:4

Dummatongda ḵad ad Jerusalem, minangilin da namati ye magimugimung dida, da apostol ya da angipangpangu. Pun imbagan da Paul da losane ḵingwan Apudyus ḵan dida.

Acts 15:6

Pune sadi, nammimiting da apostol ya da angipangpangu'tta namati ta an-uugudanda sanae banag.

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Acts 20:17

Pun sa inninggawanni'd Miletus, nambuun aḵ Paul aḵ umoy angayag atta angipangpangu'tta namati ye magimugimung ad Ephesus.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 21:18

Mabigat ḵad, ummoyni ḵan da Paul innila'ḵ James. Wadawad sidi da losane angipangpangu'tta namati.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

2 Corinthians 5:1

Pun igammu taḵu we taḵon ay nu matoy long-ag taḵu we isun ni boḻoy taḵu'd lutae madadail, awad de boḻoye maatod ḵan ditaḵu'd langite sa baru we long-age itton Apudyus. Daḵampun aḵ ḵingwan di tagu te ḵingwan Apudyus we mismu ya ippun patinggana.

2 Corinthians 5:8

Pun antuḻod somsomoḵni ya mangnuwonni tenanni da long-agni'd luta ta inḵani maḵaigaw ḵan Apu.

Philippians 1:19

te igammuḵe sa ampaḵaḻamaḵ si ḵasasaadḵu sinsadi, ambanag atte masaḻaḵnibaḵ gapu si luwaḻuyu ḵan badang ni Ispiritun Jesu Kristu.

1 Timothy 5:1

Adim suppaḵan da naḻaḵlaḵay nu siḵa yaḵon ummam bagbagaan didae isun ni angwam atte amam. Ḵad ibelangnu da babaḻu we isun di sinusunnudnu.

1 Timothy 5:19

Adim dongngon da ipabasuḻda'tta angipangpangu'tta namati, inggana'ḵ awad duwa baḵon nu tuḻu we tagu'ḵ anaḵdoḻ.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Titus 1:5

Sa gapun ni nanenaḵ ḵan siḵa'd Crete, uḻnusom yan da daampun miyuḻnus ya dutuḵam da angipangpangu'tta gimung atta losane ili. Sosomḵom da imbilinḵu.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

2 John 1:1

Patpatgoḵe ina, Saḵon aḵ John we osa'tta angipangpangu'tta namati. Annaya suḻatḵu ḵan siḵae pinilin Apudyus ya da abengnu. Sipupusu annae ayatḵu ḵan diḵayu. Ḵad daḵampun aḵ saḵone abus angayat ḵan diḵayu yaḵon losan os atta angigammu si ḵatuttuwaan.

3 John 1:1

Patpatgoḵe Gaius, Saḵon aḵ John we osa'tta angipangpangu'tta namati. Annaya suḻatḵu ḵan siḵae buḻbuḻunḵu. Sipupusu ayatḵu ḵan siḵa. Ilulluwaḻuḵe ambaḻu biyagnu ya ampigsa bos long-agnu we isuna pigsan ni pammatim.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.