1 Peter 4:5 - Sa Ugud Apudyus

⁵ Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

1 Peter 4:5 Iomraidhean Croise

Matthew 12:36

Ibagaḵ ḵan diḵayu, nu dumatong aḻgawe anḵuwisan Apudyus, awad osa ya songbatana da losane ippun anunae inugudna.

Luke 16:2

Pun impaayag ni baḵnang woḵ ḵanana ḵan siya, ‘Ngai dingngoḻḵu we mipanggob si nanangtanggaam atta ḵuḵuwaḵ? Idatongnu listaan da tinangḵonam te ḵaanoḵ siḵa si ḵewaaḻnu.’

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Romans 14:9

Te natoy ya ummuli'ḵ Jesu Kristu ta siya an-Apun da matattagu ya da natoy.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

James 5:9

Susunudḵu ḵan Kristu, adi ḵayu an-asingonot ta adin Apudyus diḵayu ḵuwison te madam-an dumaḵngan ni ḵangatuwane ḵuwis da losane tagu.