1 Peter 4:2 - Sa Ugud Apudyus

² Pun inggana si matoyana, adinapun ogon unudon da pipion ni long-agna yaḵon sa pinion Apudyus.

1 Peter 4:2 Iomraidhean Croise

Matthew 12:50

Te ngaimane angwa si pinion Amaḵ ad langit, dida da mibelang aḵ inaḵ ḵan susunudḵu.”

Matthew 20:4

Ḵanana ḵan dida, ‘Nu pionyu bose umoy maḵaḵewaaḻ si mumuḻḻaaḵ atta de grape, ittoḵ ustu we tangdanyu.’

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 7:21

Pinagatupan Jesus woḵ ḵanana, “Daḵampun aḵ losane angibaga ḵan saḵone ḵanana, ‘Apu, Apu,’ maḵaḻnoḵ si ampangatan Apudyus. Yaḵon da maḵaḻnoḵ, abus da angwa'tta pinion Amaḵ ad langit.

Mark 3:35

Te ngaimane angwa'tta pinion Apudyus, dida da inaḵ ya susunudḵu.”

Mark 7:21

Te sadi puun ni isun da sanae ḵasomsomḵan, adaḻugona daḵampun aḵ asawana, an-aḵaw, pumatoy, maḵadagdagas,

John 1:13

Sa nambalinanda'ḵ abeng Apudyus, daḵampun aḵ isuna miyanaḵ atte tagu ḵan pion da an-asawa yaḵon naḻpu si ḵabooḻan Apudyus.

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

Romans 14:7

Te losan ḵan ditaḵu we namati, daḵampun atte madayawan taḵu singsington taḵu si mataguwan taḵu ya taḵon ay matoyan taḵu.

Romans 6:11

Pun ḵasapuḻane ibelang taḵu da long-ag taḵu'ḵ natoy si basuḻ ta ippun ogon ḵabooḻana ḵan ditaḵu. Yaḵon gapu'tte nidog-an taḵu ḵan Jesu Kristu, matagu taḵu'ḵ inggana ta midayaw aḵ Apudyus mipagapu'tte biyag taḵu.

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 7:4

Ḵad isuna bos ḵan diḵayu susunudḵu ḵan Kristu, napuḵayan ḵayu si ḵaḻabbongan ni lintog mipagapu'tte natoyan Kristu we nidatun para ḵan ditaḵu woḵ nidoga ḵayu ḵan siya si nataguwana. Pun sinsana, nawaya taḵu we anserbi ḵan siya'ḵ madayawan Apudyus.

2 Corinthians 5:15

Natoy aḵ para'tta losane tagu ta da matattagu adidapun ogon ḵoon pipion ni long-agda yaḵon sa pinion Kristu we natoy woḵ natagu ḵasin para ḵan dida.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Ephesians 5:17

Pun adi ḵayu oḵyan andongdong-og yaḵon siya somsomḵonyu da pinion Apu we ḵoonyu.

Ephesians 6:6

Daḵampun ay aḵ asi ḵayu pumangog si annae antotollong da ap-apuwonyu ta piga gay nu maḻyadanda ḵan diḵayu yaḵon ibelangyu we sammilu ḵayu ḵan Kristu ya sipupusu ḵayu oḵyane angwa'tte pinion Apudyus.

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

Colossians 3:3

Te isuyun natoy mipanggob atta gagangaye ḵinatataguyu yaḵon sinsadi tuttuwae natattagu ḵayu ḵan Apudyus mipagapu'tte niyossaananyu ḵan Kristu. Da tagu we adipun namati adidapun maawatan baru we biyagyu.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

1 Thessalonians 5:18

ya ngaimane maḵwa, anggappiya ḵayu ḵan Apudyus te sana pinionae unudon taḵu gapu'tte nidog-an taḵu ḵan Jesu Kristu.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

1 Peter 1:14

Gapu ta diḵayu da abeng Apudyus we tumuttuwa, adiyu ogon unudon da inamaamayyu si awe si daanyu angigammuwan ḵan Apudyus.

1 Peter 2:1

Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.

1 John 2:17

Ḵad da tagu we adipun amati ya da losane amaamayonda ampatinggada yaḵon da angwa'tta pinion Apudyus, anna ḵan dida biyag aḵ inggana.