1 Peter 4:17 - Sa Ugud Apudyus

¹⁷ Te dumatong timpu we anguwisan Apudyus atta losane tagu ḵad isaḻadna ḵan ditaḵu we tagun Apudyus. Ḵad nu isaḻadna ḵan ditaḵu we anḵuwis, ngai maḵwa'tta adipun tumuttuwa gapu si adidapun amatiyan si Ambaḻu we Damag we naḻpu ḵan Apudyus?

1 Peter 4:17 Iomraidhean Croise

Luke 23:31

Te nu ḵaḵna ḵoonda ḵan saḵone ippun basuḻḵu we mipani si allilingsi ye ḵayu, aaddi ye sindumallu ḵoonda ḵan diḵayu we naḵabasuḻe mipani si naaḻ-aḻane ḵayu.”

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 2:9

Ḵad da losane tagu we angwa'ḵ lawweng, amod de ampaḵaḻamanda, umuna'tta Judyu isuna bos atta Gentil.

Galatians 3:1

Nadongdong-ogan ḵayu we iGalatia! Ngai ḵad ain da nangallelaw ḵan diḵayu? Nalawag ḵad ose nipaila ḵan diḵayu we nipattoḻ aḵ Jesu Kristu atte kros!

Galatians 5:7

Ambaḻubaḻu sinaḻdanyu ḵingwa! Ngai ḵad ain namaginoḵ ḵan diḵayu we anuttuwa si ḵatuttuwaan? Ngai inonae nangawis ḵan diḵayu?

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

1 Timothy 3:15

Nu mataḵtaḵaḵ, igammuwom da inon ni antatagun da tagu we nidoga si baḻyan Apudyus. Ditaḵu we namati si matattagu we Apudyus nangitaḻgodana si tuttuwae tuttudu ta ilan taḵu we mituttudu we ustu ya adipun mapasantan.

Hebrews 11:8

Gapu si pammatin Abraham, tinuttuwana'ḵ Apudyus si nangayagana ḵan siyae umoy si ili ye inkarin Apudyus ḵan siyae tawidona. Tinenana mismu we ilina taḵon ay nu adinapun igammu nu dinu ayana.

Hebrews 2:2

Napanoḵnoḵane tuttuwa da bilinnae impaigammun da anghel si awe ya ngaimane adipun tummuttuwa, nilaḵ-amda dusae ustu baḵon nu mibagay.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.