1 Peter 4:12 - Sa Ugud Apudyus

¹² Ay-ayatoḵe buḻbuḻun, adi ḵayu mataag si ummamdane padase ampaḵaḻamanyu sinsadi ye isun di awad sabali'ḵ maḵwa ḵan diḵayu.

1 Peter 4:12 Iomraidhean Croise

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

1 Corinthians 3:13

Ḵad sa aḻgawe anguwisan Apu atta losane tagu, mipaila ustu we ḵinapatog da ḵingwan ni sin-ossaossa te mapadas si apuy.

2 Timothy 3:12

Sa ḵatuttuwaan, losan atta pionda unudon naapudyusane biyag gapu si niyossaananda ḵan Jesu Kristu, ampaḵaḻamda.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

1 Peter 4:4

Pun sinsana, nataag da adipun namati si adiḵayupun ogon midoga si natuḻ-ayan ḵan ḵoḵoḵḵonda woḵ sadi gapunae nan-ugudda'ḵ lawweng si mipanggob ḵan diḵayu.

1 Peter 5:9

Sagangonyu'ḵ Satan mipagapu si ampigsae pammatiyu. Te igammuyu we sa mapadasanyu we ampaḵaḻam, isuna bos ampaḵaḻamane mapadasan da susunudyu ḵan Kristu si intero we lubung.