1 Peter 4:10 - Sa Ugud Apudyus

¹⁰ Ḵad da ḵabooḻane innatod Apudyus atte sin-ossaossae namati, usaronyu we anserbi'tta buḻunyu we isun di mataḻgodane sammilu we angayyuwan atta nankalakalasi ye bindisyune innatod Apudyus.

1 Peter 4:10 Iomraidhean Croise

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Matthew 24:21

Te sa sadi ye timpu umamdan ampaḵaḻaman, naippun paat miyisuwana inggan ni naḵwaan ni lubung inggana sinsana, ḵad naippun os miyisuwana'tte umali ye aḻgaw.

Matthew 24:45

Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Matthew 25:17

Siya bos ḵingwan ni ḵumagwae nitaḻgodan ni duwallibu we palata, pun naḵagalansiya bos aḵ duwallibu we palata.

Matthew 25:44

“Pun ḵanandae nan-imus ḵan saḵon, ‘Apu, ḵamaan ni nangil-anni ḵan siḵae nauḻat ya nauwaw, mangiliḵa ḵan naippun silupnu, nasaḵit ya nibaḻudḵa woḵ adinipun siḵa binadangan?’

Mark 10:45

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Luke 19:13

Anna ḵade madam-an ayonana, inayagana da simpuḻu'tta sammiluna woḵ linnobna dida'ḵ pilaḵe buḻawan woḵ ḵanana, ‘Paaduwonyu da sanate pilaḵ inggana'ḵ mipauliyaḵ.’

Luke 8:3

Joanna we asawan Chuza we angupisinaon Gobernor Herod, Susanna ya da adu we bubai ye innatodda da ḵuḵuwada ta mabadangan da Jesus.

Romans 15:25

Yaḵon sinsadi, iyyaḵ umuna'd Jerusalem ta iyoyḵu annae badang atta tagun Apudyus sidi.

Romans 15:27

Simsimmoḵdae bummadang. Sa ḵatuttuwaan, labbongnae badanganda da ḵapus ad Jerusalem ta milaḵ-am da Gentil atta naispirituwane bindisyun da Judyu ḵad labbongna bose anserbi da Gentil atta Judyu.

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 3:10

Gapu si ḵinabaḻun Apudyus we impailana ḵan saḵon, isuḵ nalainge antaḵad aḵ boḻoy, ummaḵ ginagaaman nangisaadaḵ ḵad da udume tagu asi amagatup si sadi ye insaḻadḵu. Yaḵon awad osa ḵasapuḻane laḻamana inonae antaḵad.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

2 Corinthians 9:1

Daḵampun aḵ ḵasapuḻane isuḻatḵu ḵan diḵayu mipanggob si badange maiyoy atta tagun Apudyus ad Judea.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

2 Timothy 1:18

Inigammum os daḵoḻe badangna ḵan saḵon ad Ephesus si awe. Ḵadaguwan oḵyan Apudyus si aḻgawe anguwisana'tta tagu.

Titus 1:7

Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.