1 Peter 4:1 - Sa Ugud Apudyus

¹ Gapu ta nampaḵaḻam ya natoy aḵ Kristu sina'd luta, isaganayu bos somsomoḵyu we ampaḵaḻame isuna. Te ngaimane ampaḵaḻam long-agna, nagangpute ingginoḵnae maḵabasuḻ.

1 Peter 4:1 Iomraidhean Croise

Mark 3:3

Pun ḵanan Jesus si naangḵet, “Awwaynu ta tumaḵdogḵa si sinagungḵu.”

Romans 6:11

Pun ḵasapuḻane ibelang taḵu da long-ag taḵu'ḵ natoy si basuḻ ta ippun ogon ḵabooḻana ḵan ditaḵu. Yaḵon gapu'tte nidog-an taḵu ḵan Jesu Kristu, matagu taḵu'ḵ inggana ta midayaw aḵ Apudyus mipagapu'tte biyag taḵu.

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 6:7

Te nu natoy tagu, napuḵayan atte ḵabooḻan ni basuḻ.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 6:13

Pun isun da suḻdadu we ansagsagana'tte gubate iḵabotda da aggomda ḵad ḵasapuḻan ose usaron taḵu da losane itton Apudyus ḵan ditaḵu ta anaḻaḵnib ḵan ditaḵu ḵan anullagi ḵan Satan we ḵabusuḻ taḵu'tte timpu we anuḵḵusana ḵan anulisugana ḵan ditaḵu. Te nu ḵoonyu ḵatti, anḵosdoḻ ḵayu we maḵagubat ḵan Satan inggana'ḵ magangput gubat ḵan adinapun paat ogon oḻgon diḵayu.

Philippians 2:5

Ḵasapuḻane patilayunonyu unudon ansosomsomoḵ ḵan nantatagun Jesu Kristu.

Hebrews 12:3

Sosomḵon taḵu inon Jesus we nanganuanus si ummamdane ampaḵaḻamane ḵingwan da ḵabasbassuḻan ḵan siya ta adi taḵu madismaya ḵan ḵumuya.

Hebrews 4:10

Te ngaimane maḵaillong ḵan Apudyus, umillongda bos si ḵewaaḻdae isun ni ummillongan Apudyus si ḵewaaḻna.

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.