1 Peter 3:9 - Sa Ugud Apudyus

⁹ Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

1 Peter 3:9 Iomraidhean Croise

Matthew 19:29

Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 5:39

Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi.

Matthew 5:44

Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu,

Mark 10:17

Alliblibbat ḵad da Jesus, inninggaw laḻaḵi ye nanoddaḵ woḵ ummoy si inggawan Jesus. Ḵananae nanalluḵu ḵan siya, “Ambaḻu we Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Luke 10:25

Inninggaw osa ḵan didae nalainge mistulun ni lintoge tummaḵdog woḵ ḵananae namadas ḵan Jesus, “Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Luke 18:18

Inninggaw pangat da Judyu we ḵananae nangimus ḵan Jesus, “Ambaḻu we Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Romans 12:14

Nu awad amaḵaḻam ḵan diḵayu, adiyu aḻawagan dida yaḵon iluwaḻuwanyu ta bindisyunan Apudyus dida.

Romans 12:17

Nu awad angwa'ḵ lawweng ḵan diḵayu, adiyu subalitan aḵ lawweng. Yaḵon siya oḵyan ḵuttuḵuttumonyu ḵoon da ḵabaḻuwan si antotollong da losane tagu.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

Romans 8:30

Ḵad da inunana pinulanu'ḵ ambalin aḵ taguna, dida da pinilina ya siya nangwa ḵan dida'ḵ naun-unan ḵad midogada bos atte midayawana.

Galatians 3:14

Mipagapu ḵan Jesu Kristu, binindisyunan Apudyus da Gentil we isun ni bindisyune inkarina ḵan Abraham ta ditaḵu we namati awaton taḵu oḵyan nikari ye Ispiritu Santu gapu si pammati taḵu.

Ephesians 4:32

yaḵon an-asianggom ḵayu, an-asibadang ḵayu, an-asiḵadagu ḵayu ḵan an-asipakawan ḵayu we isun ni namakawanan Apudyus ḵan diḵayu gapu ḵan Kristu.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

Hebrews 12:17

Inigammuyu we naabus ḵad sadi, piona pagaye tawidon bindisyun amana yaḵon indiyan amana. Te adipun maḵwae pasantan nagagangpute naḵwa, taḵon ay ummibil si piona oḵyan tawidon bindisyun.

Hebrews 6:14

Ḵanana ḵan Abraham, “Inkariḵe aaddi ye bindisyunaḵ siḵa ya paaduwoḵ da ganaḵnu.”

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.