1 Peter 3:7 - Sa Ugud Apudyus

⁷ Isuna bos ḵan diḵayu we laḻaḵi ye naasaw-an, ḵasapuḻane maawatanyu we ustu da asawayu te anḵuyada nu diḵayu. Patganyu bos dida te maḵatawidda ḵan diḵayu si biyag aḵ ingganae itton Apudyus gapu'tte ḵinabaḻuna. Unudonyu da sana ta ippun sumnod atta luwaḻuyu.

1 Peter 3:7 Iomraidhean Croise

Matthew 18:19

“Ibagaḵ os ḵan diḵayu, nu awad antaddayan da duwa ḵan diḵayu sina'd luta mipanggob si ḵodawonyu ḵan Amaḵ ad langit, maatod ḵan diḵayu da ḵodawonyu.

1 Corinthians 7:3

Ḵad sa laḻaḵi ye nangasawa ḵasapuḻane ittona ḵaḻabbongana si ḵasapuḻan ni asawana. Taḵon ay asawanae bubai, ḵasapuḻane ittona bos ḵaḻabbongana si ḵasapuḻan ni asawana.

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Colossians 3:19

Diḵayu ḵad ose lallaḻaḵi, ḵasapuḻane ayatonyu da asawayu. Adiyu dida sangsang-an.

1 Thessalonians 4:4

Diḵayu ḵad ose laḻaḵi, ḵasapuḻane tupodonyu da amaamayon da long-agyu ta mitotoḵḵon ḵayu'ḵ tagun Apudyus ta bumaḻu da ugaliyu ya adi ḵayu mabain atte sinagung da tagu.

Titus 3:7

Ḵingwana ḵaḵna ta ambalin taḵu'ḵ angilaḵsune awad de namnama taḵu si biyag aḵ inggana. Pun sa angibatayan taḵu si annae namnama taḵu, ḵingwana ditaḵu'ḵ maun-unan gapu'tte ḵinabaḻuna.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

1 Peter 3:1

Diḵayu we bubbubai ye naasaw-an, ḵasapuḻane paituray ḵayu'tta asawayu ta awad ḵad ḵan dida da adipun tumuttuwa gapu si adidapun amatiyan atte Ugud Apudyus, maawisdae amati gapu si ambaḻu we ugaliyu taḵon ay nu adi ḵayu an-ugud