1 Peter 3:5 - Sa Ugud Apudyus

⁵ Ḵaḵna ḵingwan da bubai ye tagun Apudyus si awe ye nantaḻgod ḵan Apudyus. Pinabaḻuda da long-agdae mismu gapu'tte impaiturayanda'tta asawada.

1 Peter 3:5 Iomraidhean Croise

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

Acts 1:14

Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

Acts 9:36

Ad Joppa inninggaw bubai ye namati ye Tabitha ngadanna. Sa ngadanna'tte Greek we ugud Dorcas, piona ḵanan ugsa. Pasig ambaḻu da ḵoona ya bumabbadang atta ḵapus.

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

1 Timothy 2:10

Yaḵon sa ambaḻu oḵyane ḵoonda, ipailada pammatida te sadi ustu atta bubai ye angibagae andaydayawda ḵan Apudyus.

1 Timothy 2:15

Yaḵon mataguda taḵon ay umanaḵanda ya padaḵoḻonda da abengda nu pagatupanda pammatida ḵan Apudyus ya awad ayatda'tta asintataguda ya mitotoḵḵonda'ḵ taguna ta bumaḻu ugalida ya naannadda'tta ḵoonda.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

1 Timothy 5:5

Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.

Hebrews 11:11

Gapu si pammatin Sarah, inawatna ḵabooḻane naḵwae naganaḵ taḵon ay nu mummammad-an te imbelangnae mataḻgodan aḵ Apudyus we intuttuwana inkarina.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,