1 Peter 3:4 - Sa Ugud Apudyus

⁴ yaḵon mibatay oḵyan si awad atte somsomoḵyu we adipun maila ya adipun ḵumupas. Te sa ḵinabaḻu we ampatopatog atte antotollong Apudyus, siya ḵinaanggom ḵan allin-awae somsomoḵ.

1 Peter 3:4 Iomraidhean Croise

Matthew 11:29

Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Matthew 21:5

“Ibagayu'tta tagu'd Jerusalem, ‘Annat Ariyu we umali ḵan diḵayu we impakumbabana long-agnae nangabayu si ubbun ni donkey.’ ”

Matthew 23:26

Diḵayu we naḵuḻape Pharisee! Ḵasapuḻane umunae ḵiwasanyu'd daḻom si tasayu ḵan palatuyu ta pumoḻḵas ya pumoḻḵas os labawna.

Matthew 5:5

Pian da angipakumbaba'tta long-agda te dida angilaḵsun si lutae inkarin Apudyus.

Luke 11:40

Nadong-og ḵayu! Adiyupun ḵamman igammu we ḵingwan Apudyus daḻom ḵan lasin ni long-agyu?

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Romans 1:23

Te adidapun nandayaw si matattagu we Apudyus. Yaḵon siya dinaydayawda da ḵingwan di tagu we sinan-apudyus, sinantatagu, sinansissiwit, sinan-ayam ya da ḵais-isun da ḵumayam.

Romans 2:29

Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Romans 7:22

Te sa somsomoḵḵu, amod de ayatḵu si Lintog Apudyus.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 4:16

Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni.

Galatians 5:23

napakumbaba ya tupodona long-agna. Sa angunud atta sanae ugali, naippun ḵoona'tta iyadin ni lintog.

Ephesians 4:2

Patilayun oḵyane napakumbaba ḵayu, naanus ḵayu ya an-anggom ḵayu'tta buḻunyu we mipagapu si ayat.

Colossians 3:12

Gapu ta diḵayu da pinilin Apudyus we taguna ya inay-ayatna, unudonyu oḵyan da sanae ug-ugali: Ḵumadagu ḵayu ya bumadang ḵayu, ipakumbabayu da somsomoḵyu ya somsomḵonyu oḵyan bumaḻuwan da udum ya pasig ḵayu oḵyan naanus.

Colossians 3:3

Te isuyun natoy mipanggob atta gagangaye ḵinatataguyu yaḵon sinsadi tuttuwae natattagu ḵayu ḵan Apudyus mipagapu'tte niyossaananyu ḵan Kristu. Da tagu we adipun namati adidapun maawatan baru we biyagyu.

1 Thessalonians 4:11

Iggayu ḵabooḻanyu we angipaila si allin-awae antatagu, abus ḵuwayu'ḵ ambiyanganyu ya iḵewaaḻyu da masapuḻyu we isun ni imbilinni ḵan diḵayu.

2 Thessalonians 3:12

Gapu si ḵaḻabbonganni ye naḻpu ḵan Apu Jesu Kristu, bagbagaanni da sadi ye tagu ya bilinonni dida ta ipapuutdae anḵewaaḻ ta awad iḵataguda.

1 Timothy 2:2

Iluwaḻuwan taḵu bos da ari ya da losane nangatu da saadda ta allin-awa biyag taḵu si anserbiyan taḵu ḵan Apudyus ya sa angunudan taḵu si ustu we ugali.

2 Timothy 2:25

ya ḵasapuḻane ummanae antuttudu'tta sumullagi si tuttuwae tuttudu ta ittan Apudyus dida'ḵ wayadae ambabawi'tta basuḻda ya agaydae angwa ya igammuwonda ḵatuttuwaan.

Titus 3:2

Adida oḵyan an-ugud aḵ lawweng atte mipanggob atta ngaiman ḵad adida oḵyan sumubog yaḵon naanusda oḵyan ya pasigda patgan da losane tagu.

James 1:21

Pun an-awidanyu da losane ḵababbaine ugaliyu ya da amode ḵoḵoḵḵonyu. Ḵad ampakumbaba ḵayu ya awatonyu Ugude immuḻana'tta somsomoḵyu we maḵwae anagu ḵan diḵayu.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

1 Peter 3:15

yaḵon dayawonyu'ḵ Kristu we ḵangatuwane Apu atte somsomoḵyu. Pasig ḵayu ansasagganae anongbat nu awad an-imus ḵan diḵayu'tte mipanggob si namnamayu we awad ḵan diḵayu. Ḵad allin-awaonyu we sumongbate angipaila si ustu we patganyu.