1 Peter 3:16 - Sa Ugud Apudyus

¹⁶ Ḵad ḵasapuḻane pasig ampoḻḵas somsomoḵyu ta awad ḵad an-ugud aḵ lawweng ḵan diḵayu gapu si ambaḻu we ugaliyu we namati ḵan Kristu, mibabbainda si inugudda.

1 Peter 3:16 Iomraidhean Croise

Matthew 5:11

Pian ḵayu nu potogonda diḵayu ya ampaḵaḻamon diḵayu ḵan an-ugudan diḵayu'ḵ lawweng gapu'tte pammatiyu ḵan saḵon.

Acts 24:16

Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Romans 9:1

Susunud, ibagaḵ ḵan diḵayu ḵatuttuwaan, adiyaḵpun antultulli te niyossaanaḵ ḵan Kristu. Taḵon ay somsomoḵḵu we indaḻan ni Ispiritu Santu, panoḵnoḵanae adiyaḵpun antultulli.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

1 Timothy 1:19

Sa maḵagubatam atta sanae lawweng, pagatupam gogomgoman pammatim ya sa ampoḻḵase somsomoḵ. Te awad da udume tagu we iwwalinda ampoḻḵase somsomoḵ ya paate nadadail pammatida.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.

Titus 2:8

Ilam os ta sa ituttudum, ustuustu ta adi oḵyan maamsew. Te nu ḵoom ḵaḵna, mabainan da sumullagi ḵan dita te adipun maḵwae an-ugudda'ḵ lawweng atte mipanggob ḵan dita.

Hebrews 13:18

Iluwaḻuwanyu diḵani te aaddi ye ampoḻḵas da somsomoḵni gapu ta pionni ye ḵoon ustu'tta losane tagu.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 2:15

Te pinion Apudyus we ḵoonyu da ambaḻu ta guminoḵ da andongdong-oge tagu we an-uguugud atta ippun anuna.

1 Peter 2:19

Te mas-om aḵ Apudyus ḵan diḵayu nu anusanyu ampaḵaḻamanyu gapu'tte anosomḵanyu si mipanggob ḵan siya taḵon ay nu ippun ḵingwayu'ḵ lawweng.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

1 Peter 4:4

Pun sinsana, nataag da adipun namati si adiḵayupun ogon midoga si natuḻ-ayan ḵan ḵoḵoḵḵonda woḵ sadi gapunae nan-ugudda'ḵ lawweng si mipanggob ḵan diḵayu.