1 Peter 3:1 - Sa Ugud Apudyus

¹ Diḵayu we bubbubai ye naasaw-an, ḵasapuḻane paituray ḵayu'tta asawayu ta awad ḵad ḵan dida da adipun tumuttuwa gapu si adidapun amatiyan atte Ugud Apudyus, maawisdae amati gapu si ambaḻu we ugaliyu taḵon ay nu adi ḵayu an-ugud

1 Peter 3:1 Iomraidhean Croise

Matthew 18:15

Ḵanan os Jesus, “Nu awad asintatagum aḵ maḵabasuḻ ḵan siḵa, inḵae ossaan ya ummam ipaḵaawat ḵan siya naḵabasuḻana ḵan siḵa. Nu dongngona ibagam, ambaḻu te iḵasinyu ambuḻbuḻun.

Romans 10:16

Yaḵon adimpun da losane tagu tinuttuwa Ambaḻu we Damag. Te ḵanan Profeta Isaiah, “Apu, ngai da namati'tta imbagabagani?”

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

Romans 7:2

Isun da an-asawa, nu angasawa bubai, adimpun ni lintog iyunude idangana asawana nu sissiyae matattagu. Yaḵon nu matoy asawana, mapuḵayan atte lintog ḵad maḵwa ḵasin angasawa nu piona.

1 Corinthians 11:3

Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu.

1 Corinthians 14:34

da bubai ḵad gumiginnoḵda oḵyan atta gimung da namati. Te adipun miyunud da bubai ye an-ugud yaḵon paiturayda oḵyan atta laḻaḵi te sadi nigili ye lintog.

1 Corinthians 7:16

Te diḵayu we namati, adiyupun ḵamman igammu nu diḵayu gapun ni anaguwan Apudyus atta asawayu we adipun namati?

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

Colossians 3:18

Diḵayu ḵade bubbubai, paituray ḵayu'tta asawayu te ḵaḵna ḵasapuḻane ḵoon da amati ḵan Apu.

Colossians 4:5

Ummanyu'tta gunayyu'tta daampun amati, ḵad usaronyu losane timpu we angibaga ḵan dida si mipanggob ḵan Kristu.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

Hebrews 11:8

Gapu si pammatin Abraham, tinuttuwana'ḵ Apudyus si nangayagana ḵan siyae umoy si ili ye inkarin Apudyus ḵan siyae tawidona. Tinenana mismu we ilina taḵon ay nu adinapun igammu nu dinu ayana.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 3:2

te itotollongda ampoḻḵase antataguyu ya sa angisipoganyu ḵan Apudyus.

1 Peter 3:7

Isuna bos ḵan diḵayu we laḻaḵi ye naasaw-an, ḵasapuḻane maawatanyu we ustu da asawayu te anḵuyada nu diḵayu. Patganyu bos dida te maḵatawidda ḵan diḵayu si biyag aḵ ingganae itton Apudyus gapu'tte ḵinabaḻuna. Unudonyu da sana ta ippun sumnod atta luwaḻuyu.

1 Peter 4:17

Te dumatong timpu we anguwisan Apudyus atta losane tagu ḵad isaḻadna ḵan ditaḵu we tagun Apudyus. Ḵad nu isaḻadna ḵan ditaḵu we anḵuwis, ngai maḵwa'tta adipun tumuttuwa gapu si adidapun amatiyan si Ambaḻu we Damag we naḻpu ḵan Apudyus?