1 Peter 2:7 - Sa Ugud Apudyus

⁷ Pun ditaḵu we namati, ampatog sadi ye batu. Yaḵon atta adipun amati, iḵagasmoḵda oḵyan awad si nigili ye Ugud Apudyus we ḵanana, “Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot si boḻoy.”

1 Peter 2:7 Iomraidhean Croise

Matthew 21:42

Pun ḵanan Jesus ḵan dida, “Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy. Sa annae ḵingwan Apudyus, ambaḻubaḻu. Ḵad nakaskasdaaw atte ḵasomsomḵan taḵu.’

Luke 2:32

Isunan silawe allangḻang ta ipailana da pinion Apudyus atta Gentil. Gapu bos ḵan siya, midayaw da tagume ganaḵ Israel.”

Luke 2:34

Pune sadi, binindisyunan Simeon dida woḵ ḵanana ḵan Mary, “Dongngom, sa annae abeng, dinutuḵan Apudyus siya'ḵ mataguwan da adu ḵan ditaḵu we ganaḵ Israel ya adu bos da madusa. Awad da anging-ingnga ḵan siya.

Luke 20:17

Ḵanan Jesus we nangimumuskoḻ ḵan dida, “Ngai ḵad ain pion ni nigili ye Ugud Apudyus ḵanan? “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy.’

John 4:42

Ḵananda si bubai, “Daḵampun ogon atta imbagam namatiyanni te dingngoḻni ye mismu ḵad igammuni ye siya tuttuwae Anagu'tta tagu'tte lubung.”

Acts 26:19

“Sadi gapuna Ari Agrippa, impapatiḵ tinuttuwa sadi ye impailan Apudyus ḵan saḵone naḻpu'd langit.

Romans 10:21

Yaḵon nu mipanggob atta Judyu we ganaḵ Israel, ḵanan Apudyus, “Inaḻgawe dam-oḵ ayagan da tagu we adipun tumuttuwa gapu si adidapun amatiyan ya summullagida te tummungitongda.”

Romans 15:31

Iluwaḻuyu we iligsin Apudyus saḵon atta adipun namati'tte probinsiya'd Judea. Ḵad iluwaḻuyu bos ta awatonaḵ atta tagun Apudyus ad Jerusalem we anserbi ḵan dida sidi.

2 Corinthians 2:16

Da daḵampun aḵ namati, sa ḵatuttuwaan mipanggob ḵan Kristu, isunan ambuyubuyuḵ anungsunganda te sa nangidiyananda siya gapun ni madusaanda si ḵatoy aḵ inggana. Ḵad da namati si ḵatuttuwaan mipanggob ḵan Kristu, isunan ambangubangu anungsunganda te sa amatiyanda gapun ni mataguwanda'ḵ inggana. Pun ngai maḵabooḻ angwa'tte ḵaḵnae ḵewaaḻ?

Colossians 2:10

Ḵad gapu si niyossaananyu ḵan Kristu we pangat da losane pangat ya ḵaḻabbongan, naatod da losane awad ḵan diḵayu ta ippun angkuranganyu.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

Hebrews 11:31

Gapu'tte pammatin Rahab, minangilina da Iyisrael we ummoy nansiput atte sadi ye ilina. Pun adipun nidoga nagongat aḵ Rahab we puta atta ḵailiyanae adipun tummuttuwa gapu si adidapun namatiyan ḵan Apudyus.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

1 Peter 1:8

Adiyupun innila'ḵ Jesu Kristu yaḵon inay-ayatyu. Taḵon ay nu adiyupun ilan sinsadi, amati ḵayu ḵan siya. Pun amo allaylayad ḵayu'tte adipun mibungangay ya ippun miyisuwanae laylayad.

1 Peter 2:4

Umadani ḵayu ḵan Apu Jesus we mipani si matattagu we batu. Sa annae batu, indiyan da tagu yaḵon siya pinilin Apudyus aḵ ḵapatogan ḵan siya.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.