1 Peter 2:6 - Sa Ugud Apudyus

⁶ Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Siya piniliḵ ya siya ḵapatogan. Ḵad ngaimane amati ḵan siya, adipun paat madismaya.”

1 Peter 2:6 Iomraidhean Croise

Matthew 12:18

“Annaya sammiluḵe piniliḵ. Siya ay-ayatoḵ ḵan mas-omaḵ. Ibuunḵu Ispirituḵ ḵan siya ta iwaḻagawagna'tta losane Gentil inon da tagu we maun-unan atte antotollong Apudyus.

Mark 12:10

Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy.

Luke 20:17

Ḵanan Jesus we nangimumuskoḻ ḵan dida, “Ngai ḵad ain pion ni nigili ye Ugud Apudyus ḵanan? “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy.’

Luke 23:35

Summisiḵad da tagu we nambubuya yaḵon insassaud da papangat da Judyu we angigga'ḵ nges-el ḵan siyae ḵananda, “Tinaguna da udume tagu. Taguwona oḵyan long-agna nu tuttuwae siya Kristu we pinilin Apudyus.”

John 7:38

Ngaimane amati ḵan saḵon, maitttan si awade nibaga'tte nigili si Ugud Apudyus we ḵanana, ‘Sa danume angitod si biyage isun di bubune bumubuse maḻpu'tte pusuna ya adipun mattuḵan.’ ”

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

Romans 10:11

Te awad de nigili ye Ugud Apudyus we ḵanana, “Ngaimane amati ḵan siya adipun paat madismaya.”

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

2 Timothy 3:16

Da losane nigili ye Ugud Apudyus, aḵ Apudyus nangigga si somsomoḵ da nangigili. Ḵad mausar aḵ anuttudu ḵan ditaḵu si ḵatuttuwaan ya angigammuwan atta kamali ḵan basuḻ taḵu, suppaḵana ditaḵu ta ḵasapuḻane baliwan taḵu da lawwenge ugali taḵu ya ḵoona ditaḵu'ḵ maun-unan antatagu taḵu ya ḵoon taḵu da ummun-un,

1 Peter 2:4

Umadani ḵayu ḵan Apu Jesus we mipani si matattagu we batu. Sa annae batu, indiyan da tagu yaḵon siya pinilin Apudyus aḵ ḵapatogan ḵan siya.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.

2 Peter 1:20

Sosomḵonyu anna te gattoḵe ampatog: Naippun nipadtu'ḵ inggilin da profeta aḵ naḻpu si mismu we somsomoḵda.

2 Peter 3:16

Ḵad losan atta suḻatna imbagana da anna. Awad ḵammos da ansigabe maawatan. Ḵad da tagu we aḵit igammuda ya adipun ampigsa pammatida, baliwanda ustu we piona ḵanan, isun os ni ḵoonda'tta udume nigili ye Ugud Apudyus. Gapu'tte angwaanda si sadi, madusada'ḵ inggana.