1 Peter 2:24 - Sa Ugud Apudyus

²⁴ Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 2:24 Iomraidhean Croise

Matthew 27:26

Pune sadi, pinuḵayan Gobernor Pilate aḵ Barabbas woḵ impaap-aplitna'ḵ Jesus, pun impuḻangna'tta suḻdadu ta umoyda ipattoḻ atte kros.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Matthew 8:17

Ḵingwana ḵaḵna ta mituttuwa imbagan Profeta Isaiah we ḵanana, “Siya nangaan atta ampaḵaḻaman taḵu ya ḵinaanna da saḵit taḵu.”

Mark 15:15

Pun pinuḵayan Pilate aḵ Barabbas te pionae mat-op da amode tagu. Pun impaap-aplitna'ḵ Jesus, nagangput pun impuḻangna'tta suḻdadu ta ipattoḻda'tte kros.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 19:1

Pun impaaḻan Pilate aḵ Jesus atta suḻdaduna woḵ impaap-aplitna.

Acts 10:35

yaḵon awatona da ngaimane tagu, Judyu man baḵon nu Gentil we angisipog ḵan Apudyus ya ustu da ḵoonda.

Acts 10:39

Ḵad diḵani ye apostol nanaḵdoḻ atta losane ḵingwana'd Jerusalem ya da udume ilin da Judyu. Impattoḻda'ḵ Jesus atte kros woḵ natoy.

Acts 13:29

Ginangputda ḵad intuttuwa da losane nigili si mipanggob ḵan siya, ummoyda inopas long-agna'tte kros woḵ ummoyda illibon.

Acts 5:30

Sa Apudyus da danaḵḵoḻ taḵu tinaguna'ḵ Jesus we gingngatyu si nangipattoḻanyu'tte kros.

Romans 6:11

Pun ḵasapuḻane ibelang taḵu da long-ag taḵu'ḵ natoy si basuḻ ta ippun ogon ḵabooḻana ḵan ditaḵu. Yaḵon gapu'tte nidog-an taḵu ḵan Jesu Kristu, matagu taḵu'ḵ inggana ta midayaw aḵ Apudyus mipagapu'tte biyag taḵu.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

Romans 6:16

Adiyupun ḵamman igammu we nu ngai angittanyu'tta long-agyu ya tuttuwaonyu, siya simmusassu ḵan diḵayu? Nu sa basuḻ angittanyu'tta long-agyu, ambanag atte matoyanyu. Yaḵon nu ittonyu da long-agyu'ḵ tumuttuwa ḵan Apudyus, siya simmusassu ḵan diḵayu ya siya angwa si maun-unanyu.

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Romans 6:7

Te nu natoy tagu, napuḵayan atte ḵabooḻan ni basuḻ.

Romans 7:6

Yaḵon sinsana, gapu'tte nidog-an taḵu ḵan Kristu si natoyana, napuḵayan taḵu si lintog Moses we namabaḻud ḵan ditaḵu. Ḵad anserbi taḵu ḵan Apudyus ya daḵampun ogon aḵ sa dadaane lintog yaḵon sa baru we biyage naḻpu si Ispiritu Santu.

1 Corinthians 15:3

Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.

2 Corinthians 6:17

Pun ḵanan os Apudyus, “Tenanyu dida ya misina ḵayu ḵan dida. Ḵad adiyu tokkon da ngaimane mibelang aḵ ḵaissaw ta awatoḵ diḵayu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Colossians 2:14

Ḵaḵna ḵingwan Apudyus. Ḵinaanna listaan da basuḻ taḵu gapu'tte nilisalis taḵu bilin Moses woḵ impattoḻna'tte kros. Sa piona ḵanan, mipagapu'tte natoyan Jesus atte kros, ḵinaanna da basuḻ taḵu. Pun naippun ogon lasunnae anusa ḵan ditaḵu.

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna:

Colossians 3:3

Te isuyun natoy mipanggob atta gagangaye ḵinatataguyu yaḵon sinsadi tuttuwae natattagu ḵayu ḵan Apudyus mipagapu'tte niyossaananyu ḵan Kristu. Da tagu we adipun namati adidapun maawatan baru we biyagyu.

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 10:5

Annaya gapuna, anna ḵade madam-an umaliyan Kristu si annae lubung, ḵanana ḵan Apudyus, “Daḵampun aḵ siya piom da midatun ya da datun, yaḵon insaganam long-age para ḵan saḵon.

Hebrews 12:13

Pasigyu ayon nanggodonge daḻan ta da ḵummuya da pammatida awad ambaḻu'ḵ ampaniyanda unudon ya adi amo ambalin ḵumuya pammatida yaḵon amo pumigsa ḵasin.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

James 5:16

Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 3:7

Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.

Revelation 22:2

Ḵad an-ayus atte gaggawan ni ḵaḻsa'tte sadi ye siyudad. Sa nandomang atte sanae tawwang, inggaw da ḵayu we angitod atte biyag. Binuḻane amungada. Ḵad sa tubun da sanae ḵayu, usaronda iyagas atta tagu'tta ḵinailin di ili ta adida masaḵit.