1 Peter 2:22 - Sa Ugud Apudyus

²² Adipun paat naḵabasuḻ ya ippun paat nantultulliyana.

1 Peter 2:22 Iomraidhean Croise

Matthew 27:19

Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”

Matthew 27:4

Ḵanana, “Naḵabasuḻaḵ te intuyuḵḵu tagu we ippun basuḻna!” Pun ḵanandae summongbat, “Ngai ḵad ain biyangni si sanat? Te biyangnu pos pagay!”

Luke 23:41

Yaḵon dita labbongnae madusa te naḵabasuḻta yaḵon sa annae tagu ippun basuḻna.”

Luke 23:47

Innilan ḵad ni kapitan da suḻdadu da sadi ye naḵwa ḵananae nandayaw ḵan Apudyus, “Tuttuwae naun-unan annae tagu!”

John 1:47

Innilan ḵad ay Jesus aḵ Nathanael we umadani, imbagana mipanggob ḵan siya woḵ ḵanana, “Annaya tuttuwae ganaḵ Israel we adipun nasiḵap.”

John 8:46

Ngai ḵan diḵayu anaḵdoḻe naḵabasuḻaḵ? Ippun! Nu ibagaḵ ḵatuttuwaan, ngaipayu adi patiyon nu?

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.

Revelation 14:5

Adidapun paat nantultulli ya ippun ḵadellawanda.