1 Peter 2:21 - Sa Ugud Apudyus

²¹ Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.

1 Peter 2:21 Iomraidhean Croise

Matthew 10:38

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun paat mibelang aḵ disipuluḵ.

Matthew 11:29

Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Luke 24:26

Maawatanyu oḵyane ḵasapuḻane sa Kristu umunae ampaḵaḻam ya asiyot midayaw.”

John 13:15

Ḵingwaḵ anna ta awad ampaniyanyu. Ta ḵoonyu oḵyan os da ḵingwaḵ ḵan diḵayu.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 17:3

Impaḵaawat Paul ḵan pinanoḵnoḵanae ḵasapuḻane ampaḵaḻam aḵ Kristu ya matoy ḵad umuli. Pun ḵanana, “Sa annae Jesus we iwaḻagawagḵu ḵan diḵayu, siya Kristu.”

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

1 Corinthians 11:1

Unudonyu saḵone isun ni angunudaḵ ḵan Kristu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Philippians 2:5

Ḵasapuḻane patilayunonyu unudon ansosomsomoḵ ḵan nantatagun Jesu Kristu.

1 Thessalonians 3:3

ta adi ḵayu madismaya gapu'tta ampaḵaḻamanyu. Inigammuyu we niḵoddonge ampaḵaḻam taḵu.

1 Thessalonians 4:2

Te inigammuyu da imbagani ḵan diḵayu mipagapu ḵan Apu Jesus.

2 Timothy 3:12

Sa ḵatuttuwaan, losan atta pionda unudon naapudyusane biyag gapu si niyossaananda ḵan Jesu Kristu, ampaḵaḻamda.

Hebrews 2:10

Ustu'ḵ Apudyus we nangwa ḵan nangayyuwan atta losan ḵad ḵingwana'ḵ Jesus aḵ gattoḵe pangat mipagapu'tte nampaḵaḻamana te pionae adu da ambalin aḵ abengna ta midogada si ḵinangatuna. Te aḵ Jesus angidaḻan ḵan dida si mataguwanda.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

1 Peter 4:1

Gapu ta nampaḵaḻam ya natoy aḵ Kristu sina'd luta, isaganayu bos somsomoḵyu we ampaḵaḻame isuna. Te ngaimane ampaḵaḻam long-agna, nagangpute ingginoḵnae maḵabasuḻ.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.