1 Peter 2:2 - Sa Ugud Apudyus

² Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

1 Peter 2:2 Iomraidhean Croise

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 19:14

Yaḵon ḵanan Jesus ḵan dida, “Iyunudyu we umali da abeng ḵan saḵon. Adiyu paadiyon dida te da tagu we isuda dida midogada'tte ampangatan Apudyus.”

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Luke 18:17

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Romans 6:4

Pun sa nabonyagan taḵu, nidoga taḵu ḵan Jesu Kristu si natoyana ya nilibonana ta matagu taḵu'tte baru we antatagu we isun ni ummuliyan Jesu Kristu mipagapu'tte nakaskasdaawe ḵabooḻan Apudyus.

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

Ephesians 2:21

Siya aangdon ḵan amapagdot si losane partin ni templo ta magagaaman ḵopyana. Ḵad gapu si niyossaananyu ḵan Apu, nibelang ḵayu'tta losane namati ye usaron Apudyus aḵ antaḵad si templo we inggawana mipagapu'tte Ispiritu Santu.

Ephesians 4:15

Yaḵon ngaimane ugudon taḵu baḵon nu ḵoon taḵu, ḵasapuḻane ipapati taḵu ḵatuttuwaane midoga ayat inggana'ḵ gumodogodong antatagu taḵu we miyisu ḵan Kristu we isun di uḻun da losane gimung da namati.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.