1 Peter 2:17 - Sa Ugud Apudyus

¹⁷ Patganyu oḵyan da losane tagu, ay-ayatonyu da susunudyu ḵan Kristu ya isipogyu'ḵ Apudyus ya patganyu bos ari.

1 Peter 2:17 Iomraidhean Croise

Matthew 22:21

Ḵananda, “Sa Emperor.” Ḵanan Jesus ḵan dida, “Nu ḵaḵnat, ittonyu ḵan Emperor da ḵuwana, ḵad ittonyu bos ḵan Apudyus da ḵuwan Apudyus.”

John 13:35

Siya angigammuwan da losane tagu we disipuluḵ diḵayu nu an-asiayat ḵayu.”

Romans 12:10

An-asiayat ḵayu we isun ni an-aayat da mismu we ansusunud. Ḵad ibelangyu da bubuḻunyu'ḵ napatpatog nu diḵayu.

Romans 13:7

Pun ḵasapuḻane bayadan taḵu da bugis taḵu ya bayadan taḵu da utang taḵu ḵan dida. Ḵad ḵasapuḻane patgan taḵu da anna ḵaḻabbonganda'ḵ mapatgan.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Ephesians 5:21

Sa osa bos an-asipakumbaba ḵayu gapu si angisipoganyu ḵan Kristu.

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

1 Timothy 6:1

Losane musassu we namati, ḵasapuḻane patgandae ustu da ap-apuda ta ippun ḵadellawan ni ngadan Apudyus ya sa annae tuttudu taḵu.

Hebrews 13:1

Pagatupanyu we an-asiayate isun di ansusunud ḵan Kristu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:13

Gapu ḵan Apu taḵu we Jesu Kristu, ḵasapuḻane paipangat ḵayu'tta losane tagu we awad da ḵaḻabbonganda ḵan diḵayu. Paipangat ḵayu'tta ari ye ḵangatuwane pangat,

1 Peter 5:5

Diḵayu ḵad ose bagbagu, ḵasapuḻane paipangat ḵayu'tta angipangpangu. Pun diḵayu losane namati, ḵasapuḻane ipakumbabayu da long-agyu'tta buḻunyu ta anserbi ḵayu'tte sin-ossaossa. Te ḵanan ni nigili ye ugudna, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”