1 Peter 2:1 - Sa Ugud Apudyus

¹ Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.

1 Peter 2:1 Iomraidhean Croise

Matthew 15:7

Ḵapappaila ḵayu! Tuttuwa pagay impadtun Profeta Isaiah si mipanggob ḵan diḵayu we ḵanana,

Matthew 23:28

Sanat iissuyu we sa ḵatollonganyu'tta tagu, naun-unan ḵayu. Yaḵon ad daḻom si somsomoḵyu, napnu si ḵapappaila ya adiḵayupun tumuttuwa'tta pinion Apudyus.”

Matthew 24:51

dusaonae ustu ya idogana si igaw da ḵapappailae igaw da umibiibil ya ngumalitod babada.”

Matthew 7:5

Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

Mark 12:15

Yaḵon inigammun Jesus we siḵapanda woḵ ḵanana, “Ngaipayu pappadason saḵon? Angidatong ḵayu ud aḵ ossaane palata ta ilaḵ.”

Luke 11:44

Ḵad ḵaddagu ḵayu bos te isuyu da libone mitataḻu! Gusgusdan da tagu we naippun igammuda.”

Luke 12:1

Sa naḵwaan da sadi, ḵalibulibu da tagu we nadagup ḵan Jesus woḵ magusgusdan da suḵin da udum. Pun ummunae tinuttuduwan Jesus da disipuluna woḵ ḵanana, “Ummanyu ta adi ḵayu maalisan atte yeast da Pharisee te ḵapappailada!

Luke 6:42

Ngaipam ḵamman ḵanan atte asintatagume, ‘Ḵaanoḵ ud buḻaw si atam,’ ya adimpun ilan setap si atam? Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

John 1:47

Innilan ḵad ay Jesus aḵ Nathanael we umadani, imbagana mipanggob ḵan siya woḵ ḵanana, “Annaya tuttuwae ganaḵ Israel we adipun nasiḵap.”

Romans 1:29

Siya awad atta somsomoḵda da losane kalasin da lawweng. Ḵamommodda, maaposda. Pumappatoyda, subboganda, nasiḵapda ya pasige siya sosomḵonda ampaḵaḻamonda da buḻunda ya sungadanda.

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 5:8

Pun sa maḵagayagayaan taḵu, adi taḵu ḵanon tinapaye naḵamsan atte yeast. Sa pioḵ ḵanan ḵan ditaḵu we namati, adi taḵu unudon ugali yaḵon sa ambaḻu ḵan ḵatuttuwaane naippun lawweng aḵ niḵamos.

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

Ephesians 4:31

Pun ḵasapuḻane ḵaanonyu da losane lawweng atta somsomoḵyu, busut ya sanga'tta buḻunyu. Adi ḵayu bos maḵasubog ya maḵasossongbat ya an-ugud aḵ lawweng atta asintataguyu. Naippun oḵyan somsomoḵyu'ḵ amaḵaḻam atta buḻunyu,

1 Thessalonians 2:3

Te ippun lawweng aḵ somsomoḵni ye nangawis ḵan diḵayu baḵon nu awad siniḵapanni. Ippun os kamali'tta intuttuduni ḵan diḵayu.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

Titus 2:3

Da anḵamad-an ḵad os, bagbagaam os dida ta siya oḵyan unudonda ambaḻu we ugali ye sa mibagay atta pammatida. Ḵad adida bos an-ugud aḵ lawweng atta buḻunda baḵon nu ambarbartek. Yaḵon siya oḵyan ḵoonda, ituttududa da ambaḻu.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

James 1:21

Pun an-awidanyu da losane ḵababbaine ugaliyu ya da amode ḵoḵoḵḵonyu. Ḵad ampakumbaba ḵayu ya awatonyu Ugude immuḻana'tta somsomoḵyu we maḵwae anagu ḵan diḵayu.

James 3:14

Yaḵon nu awad ḵan diḵayu amode apos ya ḵinnot, adiyu isḵaḻ ḵan sullagiyon ḵatuttuwaan.

James 4:11

Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

James 4:5

Adiyu oḵyan ḵanane ippun patog ni nigili ye Ugud Apudyus we ḵanana: Angimun aḵ Apudyus ḵad adinapun pione awad ḵapuḻpuḻos ni Ispiritu we imbuunnae iinggaw ḵan ditaḵu.

James 5:9

Susunudḵu ḵan Kristu, adi ḵayu an-asingonot ta adin Apudyus diḵayu ḵuwison te madam-an dumaḵngan ni ḵangatuwane ḵuwis da losane tagu.

1 Peter 2:16

Ipailayu si antataguyu we napuḵayan ḵayu we tagu yaḵon adiyu usaron napuḵayanyu'ḵ lasunyu we angwa si lawweng yaḵon maila oḵyan si antataguyu we sammilun diḵayu ḵan Apudyus.

1 Peter 2:22

Adipun paat naḵabasuḻ ya ippun paat nantultulliyana.

1 Peter 3:10

Te ḵanan ni nigili ye Ugud Apudyus, “Nu pion ni tagu we gangganason biyag ya allaylayad, ḵasapuḻane adi an-ugud aḵ lawweng ya adi antultulli.

1 Peter 4:2

Pun inggana si matoyana, adinapun ogon unudon da pipion ni long-agna yaḵon sa pinion Apudyus.

1 Peter 4:4

Pun sinsana, nataag da adipun namati si adiḵayupun ogon midoga si natuḻ-ayan ḵan ḵoḵoḵḵonda woḵ sadi gapunae nan-ugudda'ḵ lawweng si mipanggob ḵan diḵayu.

Revelation 14:5

Adidapun paat nantultulli ya ippun ḵadellawanda.