1 Peter 1:3 - Sa Ugud Apudyus

³ Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

1 Peter 1:3 Iomraidhean Croise

John 1:13

Sa nambalinanda'ḵ abeng Apudyus, daḵampun aḵ isuna miyanaḵ atte tagu ḵan pion da an-asawa yaḵon naḻpu si ḵabooḻan Apudyus.

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

Romans 8:24

Te sa sanae namnama nataguwan taḵu. Yaḵon nu sa mamaḵ-ila namnamaon taḵu, daḵampun aḵ tuttuwae namnama. Te ngai ḵad ain annamnama si mamaḵ-ila?

1 Corinthians 13:13

Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.

1 Corinthians 15:20

Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

2 Corinthians 1:3

Madaydayaw aḵ Apudyus we sa Apudyus ḵan Aman Jesu Kristu we Apu taḵu. Siya Ama we ḵumadagu ya Apudyus we maḻpuwan da losane badang ya amapigsa'tta pammati taḵu.

Galatians 6:16

Awad oḵyan atta losane angunud si annae imbagaḵ lin-awa ḵan ḵadagu ya awad os atta losane tuttuwae tagun Apudyus.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Ephesians 1:3

Dayawon taḵu'ḵ Apudyus we Aman Jesu Kristu we Apu taḵu we siya bos de Apudyusna te gapu si niyossaanan taḵu ḵan siya, innatodna ḵan ditaḵu da losane naispirituwane bindisyune naḻpu'd langit.

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 2:4

Yaḵon ummamdan ḵadagu ḵan ayat Apudyus ḵan ditaḵu.

Ephesians 3:20

Madaydayaw oḵyan aḵ Apudyus aḵ inggainggana gapu si losane ḵingwana mipagapu si nan-ossaanan da namati ya mipagapu ḵan Jesu Kristu. Siyae mismu angwa si ummamdan aḵ adayu nu sa ngaimane ḵodawon taḵu ḵan somsomḵon taḵu mipagapu si ḵabooḻana ḵan ditaḵu. Amen.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

1 Timothy 1:14

Ḵad ummamdan ḵinabaḻun Apu taḵu ḵan saḵon si nangittana'tte pammati ya ayat. Ittona bos sanae pammati ya ayat ḵan ditaḵu losan gapu si niyossaanan taḵu ḵan Jesu Kristu.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

1 Peter 3:15

yaḵon dayawonyu'ḵ Kristu we ḵangatuwane Apu atte somsomoḵyu. Pasig ḵayu ansasagganae anongbat nu awad an-imus ḵan diḵayu'tte mipanggob si namnamayu we awad ḵan diḵayu. Ḵad allin-awaonyu we sumongbate angipaila si ustu we patganyu.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

1 Peter 3:5

Ḵaḵna ḵingwan da bubai ye tagun Apudyus si awe ye nantaḻgod ḵan Apudyus. Pinabaḻuda da long-agdae mismu gapu'tte impaiturayanda'tta asawada.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 3:3

Sa tagu we annamnama'tta sanae banag gapu ḵan Kristu, papoḻḵasonae mismu long-agnae isuna'ḵ Jesus.

1 John 3:9

Sa abeng Apudyus, adinapun pagapagatupane bumasuḻ te sa biyag Apudyus iinggaw ḵan siya. Gapu ta nambalinon Apudyus aḵ abengna, adipun maḵwae pagapagatupanae bumasuḻ.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.

1 John 5:4

te ngaimane abeng Apudyus, oḻgona da tagu we adipun amati we sumullagi ḵan Apudyus. Ḵad sa pammati taḵu ḵan Jesu Kristu, siya iyang-angngog taḵu'tta tagu we adipun amati.