1 Peter 1:18 - Sa Ugud Apudyus

¹⁸ Te igammuyu we sinubutna diḵayu ta mapuḵayan ḵayu si ippun anunae antatagu we tinawidyu'tta danaḵḵoḻyu. Ḵad sa insubutna ḵan diḵayu daḵampun aḵ pilaḵ baḵon nu buḻawane maḵwae madadail,

1 Peter 1:18 Iomraidhean Croise

Mark 8:37

Te naippun maḵwa'ḵ ipasanin ni tagu'tte biyagna.

Romans 1:21

Te taḵon ay nu iniiggammudae awad aḵ Apudyus, adidapun andayaw ya adidapun os anggappiya ḵan siya. Yaḵon nambalin ippun anun da ansosomsomoḵda ya gummiḵbot somsomoḵda.

1 Corinthians 3:20

Ḵad nigili bose ḵanana, “Igammun Apu we naippun patog ni somsomoḵ da nalalainge tagu.”

1 Corinthians 6:20

te nasubut taḵu'ḵ amod. Pun ḵasapuḻane usaron taḵu long-ag taḵu'ḵ madayawan Apudyus.

1 Corinthians 7:23

Nasubut ḵayu'ḵ amod. Pun daḵampun oḵyan aḵ ambalin ḵayu'ḵ musassun da tagu.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 9:12

Namingsan nillumnoḵ aḵ Kristu si tuttuwae igaw Apudyus ad langit. Ḵad daḵampun aḵ daḻan da kalding ya da ubbun di baḵa ummoyna indatun yaḵon sa mismu we daḻana ta puḵayana ditaḵu si dusan da basuḻ taḵu ya taguwon ditaḵu'ḵ inggana.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

1 Peter 4:3

Sa awe, amod de tinangtanggayu we timpu si nangwaanyu'tta pipion da adipun amati ḵoon. Te ḵingwayu da isun da ḵaissaw ḵan ḵababbaine pipion da long-agyu, da bartek, natuḻ-ayane gangganas ya sa nanaydayawanyu'tta sinan-apudyus we misullagi si bilin Apudyus.

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.