1 Peter 1:12 - Sa Ugud Apudyus

¹² Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

1 Peter 1:12 Iomraidhean Croise

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 2:26

Sa awe, impaigammun ni Ispiritu Santu ḵan siyae adipun matoy inggana'ḵ ilana'ḵ Kristu we inkarin Apudyus.

Luke 9:6

Pun nallibbat da disipuluna woḵ nanggaḵayda'tta losane ili ta iwaḻagawagda Ambaḻu we Damag ya ḵaanonda da saḵit.

John 15:26

Ḵanan Jesus atta disipuluna, “Ibuunḵu Ispiritu Santu we siya Bumadang ḵan diḵayu we maḻpu ḵan Apudyus we Ama. Sa Ispiritu Santu angituttudu'tte ḵatuttuwaan ya taḵdoḻana mipanggob ḵan saḵon.

Acts 10:44

Sissiya ḵade an-ugud aḵ Peter, ummoy Ispiritu Santu atta losane nandongoḻ atte ugudna.

Acts 16:10

Nagangput ḵad sadi ye innilan Paul si in-inop, daguse nallibbat ḵani ye umoy ad Macedonia te inigammuni ye pinilin Apudyus diḵani ta iwaḻagawagni Ambaḻu we Damag ḵan dida.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 4:31

Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

Acts 4:8

Pun naittan aḵ Peter atte ḵabooḻan ni Ispiritu Santu woḵ ḵanana, “Diḵayu we papangat ya pallakayon,

Acts 8:25

Ginangput pun da Peter ḵan John tinaḵdoḻan ḵan iwwaḻagawag ugud Apu, nipaulida'd Jerusalem woḵ iwwaḻagawagda Ambaḻu we Damag atta adu we ili'd Samaria we innoyda.

Romans 1:15

Pun pioḵe iwaḻagawag Ambaḻu we Damag ḵan diḵayu bose awad ad Rome.

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

1 Corinthians 2:10

Sana impaigammun Apudyus ḵan ditaḵu mipagapu'tte Ispirituna. Te sa Ispiritu Santu igammuna da losane banag taḵon ay da naadaḻome somsomoḵ Apudyus.

2 Corinthians 1:22

Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

2 Corinthians 6:6

Ipailani anserbiyanni ḵan Apudyus gapu'tte ampoḻḵase antataguni'tte nangigammuwanni si ḵatuttuwaan, gapu'tte ḵinaanusni'tta nampaḵaḻamanni. Mipaila bos ḵabooḻanni ye itton ni Ispiritu Santu ya sa gattoḵe ayatni'tta asintataguni.

Galatians 1:12

Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.

Galatians 1:16

Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan.

Ephesians 3:10

Sadi panggob Apudyus we mipagapu ḵan ditaḵu we namati, igammuwon da losane adipun mailae ampangat ya anna ḵabooḻanda ḵinalaing Apudyus we nipaila si nansabasabali ye inon.

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Hebrews 11:13

Namati losan da sanae tagu ḵan Apudyus inggana'ḵ natoyda. Ḵad taḵon ay nu adidapun inawat da inkarin Apudyus si matattaguwanda, isun di oottapondae abus nu ngai maatod ḵan dida si umali ye aḻgaw taḵon ay nu manunnuwan mituttuwaanda. Binigbigdae mangilidae abuse naippun ustu'ḵ ilida sina'd luta.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

1 Peter 1:25

yaḵon sa Ugud Apudyus, ippun ambalbaliwana'ḵ inggana.” Sa annae Ugud Apudyus, siya annae Ambaḻu we Damag we niwaḻagawag ḵan diḵayu.

1 Peter 4:6

Sadi gapunae da tagu we naabus natoy, niwaḻagawag Ambaḻu we Damag ḵan dida ta taḵon ay nu maḵuwisdae isun da losane tagu, mataguda si naispirituwane biyage isun Apudyus.

Revelation 5:11

Nantollongaḵ ḵad ḵasin, dingngoḻḵu gingan da ummamdane anghel we adipun mabelang. Niliḵwosda trono ya da matattagu we ḵingwam ya da angipangpangu.