1 Peter 1:10 - Sa Ugud Apudyus

¹⁰ Da profeta we an-uuggudon Apudyus si awe ye nangibaga'tte mipanggob si umali ye timpu si angipail-ana si ḵinabaḻunae sinsadi ipailana ḵan diḵayu, ummanda singsingngit ya inadaadaḻ mipanggob si sanae mataguwan.

1 Peter 1:10 Iomraidhean Croise

Matthew 13:17

Ibagaḵ ḵan diḵayu ḵatuttuwaan, taḵon ay nu adu da profeta ya da naun-unane tagu si awe ye pionda ilan da iillanyu, adidapun innila dida. Taḵon ay os nu pionda dongngon da dodongngonyu, adidapun dingngoḻ dida.”

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Luke 10:24

Te annaya ibagaḵ ḵan diḵayu, taḵon ay nu adu da profeta ḵan da ari atte awe ye pionda ilan da innilayu, adidapun innila dida. Taḵon ay os nu pionda dongngon da dingngoḻyu, adidapun dingngoḻ dida.”

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

John 7:52

Ḵanandae summongbat ḵan siya, “Isum nin naḻpu'tte probinsiya'd Galilee. Singtom si Ugud Apudyus woḵ igammuwome naippun profeta'ḵ naḻpu'tte probinsiya'd Galilee.”

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

Hebrews 11:13

Namati losan da sanae tagu ḵan Apudyus inggana'ḵ natoyda. Ḵad taḵon ay nu adidapun inawat da inkarin Apudyus si matattaguwanda, isun di oottapondae abus nu ngai maatod ḵan dida si umali ye aḻgaw taḵon ay nu manunnuwan mituttuwaanda. Binigbigdae mangilidae abuse naippun ustu'ḵ ilida sina'd luta.

Hebrews 11:40

Te awad de nabaḻu we planun Apudyus para ḵan ditaḵu losan. Sa planuna, buḻun taḵu didae angawat si inkarina ta ambalinona dida'ḵ ippun angkuranganda.

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.