1 John 4:3 - Sa Ugud Apudyus

³ Yaḵon da losane tagu we adipun amigbig atte mipanggob ḵan Jesus we nambalin tagu, daḵampun ḵan Apudyus naḻpuwan da ibagabagada nu adi sa Ispiritun ni sumullagi ḵan Kristu. Didingngoḻyu we umali sadi ye sumullagi ḵan Kristu ḵad naabuse anna si lubung sinsadi.

1 John 4:3 Iomraidhean Croise

Matthew 24:5

Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu, gapu si ḵanandae ‘Saḵon Kristu,’ ḵad adu da tagu we allelawonda.

1 John 2:18

Aabengḵu, madam-an anungus ni lubung! Dingngoḻyu we umunae umali sumullagi ḵan Kristu. Pun sinsana ḵad ummaduadu da sumullagi ḵan siya. Ḵad sanat angigammuwan taḵu we madam-an anungus ni lubung.

1 John 2:22

Ngai ḵad ain tuliyan nu adi sa angibagae aḵ Jesus daḵampun aḵ siya Kristu we imbuun Apudyus? Sa tagu we angibaga'tte ḵaḵna, sullagiyona'ḵ Kristu. Adinapun bigbigon Abeng Apudyus ya aḵ Apudyus we Ama.

2 John 1:7

Te lummoswa da adu we umallelaw si annae lubung. Adidapun bigbigone aḵ Jesu Kristu nambalin aḵ tuttuwae tagu'tte ummaliyana si lubung. Da ḵaḵnate tagu, umallelawda ya ḵabusuḻ Kristu dida.