Mateo 21:44 - Kalinga Limos

⁴⁴ Ot singngadan na mana maotdag situwa batu masipsip-uk ot singngadan na mana tup-ugan dituwa batu matumotumok.”

Mateo 21:44 Iomraidhean Croise

Mateo 21:43

“Isunga ibagak kan dikayu un makaan dit gundaway yu un maidagamung sin mangiyapuwana ta maitod sidan tagu’n mangwa’t dit ipakwana.

Mateo 21:45

Dongḻon man dadit aap-apun di papadi kan Fariseo dat abalig Jesus, naawatan da un dida dit ug-ugudona.

Mateo 26:24

Ta sakona Inyanak di Tagu, matoyak un kama’t dit naikanglit sit ugud Apudyus yoong kaasi nat tagu’n mangituyuk kan sakona Inyanak di Tagu! Napipiya pay nu adina naiyanak!”

Mateo 27:25

Summungbat dat losana tagu un, “Dikami’t dan kaganakan mi ud sumungbat sin angos na!”

Lucas 2:34

Kindaw Simeon un bindisyunan Apudyus dida asina kinnanan kan Maria un, “Maria, satuwa abeng nu dinutukan Apudyus yoong lawengon dat kaaduwana tagu’d Israel, un siya’d madusaan da. Ot sadat udum tuttuwaon da un siya’d mataguwan da si inggaingga. Sat katatagu na siya’d mangipailan siya dit nanligwat kan Apudyus yoong supngilon dat adu’n tagu ot sat mansusupngil da

Lucas 20:18

“Ot singngadan na mana maotdaga maitama utdiya batu masipsip-uk ot singngadan na mana maotdagan didiya batu matumotumok.”

Juan 19:11

Summungbat si Jesus un kanana’n, “Naid kalintogam un mangwa’t nat un koom nu adin Apudyus intod nat saad nu. Isunga nadagdagson nat basuḻ dinat tagu’n nangiyawat kan sakon kan sika.”

Roma 9:33

Ta kanan Apudyus sit naikanglita ugud na un, “Ilan yu ta isaad ku’t din Sion din batu un maidangtuḻan kan maisubukan di tagu. Yoong singngadan na mana mantaḻgod sidiya batu, Adina mapaay.”

1 Tesalonica 2:16

Pinadpadas da pay un lappodan dit mantudtuduwan mi utdat bokona Judio nu inon Apudyus taguwon dida. Ot gapu’t di un basuḻ da, nagtong dit mampatinggaan dat adun basuḻa kankanayun da un koon. Nasuḻag si Apudyus kan dida ot dusaona dida.

1 Pedro 2:8

Kanana pay un, “Satuwa batu ud maidangtuḻan dat tagu kan siya ud matukasan da.” Maidangtuḻ da gaputa adi da tuttuwaon dit ugud. Siya’d ingkoddong Apudyus un mambanagan da.