Lucas 8:8 - Kalinga Limos

⁸ Sat udum naotdag sit naḻasa un pita ot tummubu da kan namunga da si maminggasut dit bungan dit osa’n muḻa.” Maabus man un maibagan Jesus di kanana un, “Dikayu’n awad si ingan makagngoḻ, dumngoḻ kayu.”

Lucas 8:8 Iomraidhean Croise

Mateo 11:15

Nu awad inga yu un makagngoḻ, dumngoḻ kayu.

Mateo 13:23

Ot sadit naḻasa’n pita un naotdagan dat uduma bukoḻ, alig na dat tagu’n mangngoḻ kan makaawat sit ugud Apudyus. Ot mamunga da un kama’t muḻa un mamunga’t singgagasut, sin-oonoma puḻu dat udum, kan sintutlu’n puḻu dat udum.”

Marcos 4:20

Yoong sadit naḻasa un pita un naotdagan dat uduma bukoḻ, siya’d alig dan tagu’n mangngoḻ kan mangawat sin ugud Apudyus ot mamunga da un kama’t muḻa’n sintututlumpuḻu, sin-oonomapuḻu kan singgagasut dat bunga da.”

Marcos 4:23

Dikayu’n awad si inga un makagngoḻ, dumngoḻ kayu.”

Marcos 4:8

Ot sat udum paya bukoḻ naotdag da utdit naḻasa un pita ot tummubu kan lummaba da ot namunga da. Inggaw da ud namunga si sintututlumpuḻu, sin-oonomapuḻu kan singgagasut.”

Marcos 7:16

[Nu awad inga yu un makagngoḻ, dumngoḻ kayu.]”

Lucas 14:35

Ot naidon selbi na ta adina pay mabalinona mailasa si pita. Maidawata lawaon. “Ot dikayu’n awad si inga’n makagngoḻ, dumngoḻ kayu,” kinnanan Jesus.

Lucas 8:15

“Ot sadat bukoḻa naotdag sit naḻasa un pita, dida dat nabaḻu kan nanakoma tagu’n nangngoḻ sit ugud Apudyus ot adida linipsutan ot namunga da gaputa intultuluy da un tinuttuwa.”

Lucas 8:7

Sat udum naotdag da utdit kasassaitan ot tummubu da yoong naseet da.

Efeso 2:10

Pinabagun Apudyus tun mataguwan taku maipagapu’t naiyossaanan taku kan Jesu Kristu daḻapnu koon taku dan napiya’n indaan na un koon taku.

Colosas 1:10

Kadon mabalin yu ud matagu un maibagay si osa’n naiyossaan kan Apu Jesus kan gassosoom kayu kan siya. Koon yu dan losana nabaḻu un makwa kan umadu nat tigammu yu maipanggop kan Apudyus.

Sat Naipatigammu 13:9

Dikayu’n awad si inga’n makagngoḻ, dumngoḻ kayu.

Sat Naipatigammu 2:11

Dikayu’n awad si inga’n makagngoḻ, dongḻon yu datu un ibagbagan ud Ispiritun Apudyus sidan losana manuttuwa un kanana’n, “‘Sadat tagu’n adi paabak sit singngadan na mana laweng, adida maidagamunga madusa utdit mauguda maikagwa’n matoyan.’ ”

Sat Naipatigammu 2:7

“‘Dikayu’n awad si inga’n makagngoḻ, dongḻon yu datuwa ibagbagan din Ispiritun Apudyus sidan manuttuwa. Sadat tagu’n adi paabak si singngadan na mana laweng ipalubus ku un makakan sit bungan di kayu’n mangtod si mataguwan un awad sin nabaḻu’n igaw Apudyus.’ ”

Sat Naipatigammu 3:13

“‘Dikayu’n awad si inga’n makagngoḻ, dongḻon yu datun losana ibagan Ispiritun Apudyus sidan losana manuttuwa.’ ”

Sat Naipatigammu 3:6

“‘Dikayu’n awad si inga’n makagngoḻ, dongḻon yu datun losana ibagbagan Ispiritun Apudyus sidan losana manuttuwa.’ ”