Lucas 23:38 - Kalinga Limos

³⁸ Inggaw pay naikanglit sidit labaw dit uḻu na utdit kulus un kanana’n, “Siyatu dit Alin dat Judio.”

Lucas 23:38 Iomraidhean Croise

Mateo 2:2

Ot inimus da un, “Kawad dit naiyabenga Alin di Judio? Naila mi dit bituwon sin kapon lumtawan init un nanigammuwan mi utdit naiyabengana ot inummoy kami’t tu un mandaydayaw kan siya.”

Mateo 27:11

Summikad si Jesus sit atubang gubinnadul Pilato un mansukna kan siya. Inyimus Pilato kan siya un, “Sika kad dit Alin dat Judio?” Summungbat si Jesus un, “Naibagamon!”

Mateo 27:37

Sat ngatun dit uḻu na nangikwa da si nangikanglitan da utdit gapun dit namabasuḻan da kan siya un kanana’n, “Siyatu si Jesus un Alin dat Judio.”

Marcos 15:18

Nagindadayaw da kan siya un kanan dan, “Matattagu tun Alin di Judio.”

Marcos 15:26

Ot naikanglit sit kulus dit gapun dit namabasuḻan da kan siya un, “Siyatu dit Alin dat Judio.”

Marcos 15:32

Ilan taku ud un lumsa’t nat kulus nata Kristu un Alin di iyIsrael daḻapnu tuttuwaon taku.” Ot sadat nailansa’t dit nan-asisupang kan siya inin-insultu da pay si Jesus.

Lucas 23:3

Inimusan Pilato si Jesus un kanana’n, “Sika kad dit Alin dat Judio?” Summungbat si Jesus un, “Naibagamon.”

Juan 19:3

Masukasukat da un umadani kan Jesus un kanan dan, “Matattagu tun alin di Judio,” asida tipakon.