Lucas 15:20 - Kalinga Limos

²⁰ Kadon, kaysana nangulin kan amana. “Inggaw payyan sit adayu’n dumoḻdoḻ, naotap dit amana. Nadaguwan dit ama na ot nanodtoddaka ummabat kan siya’n kummawoḻ asina inogkan.

Lucas 15:20 Iomraidhean Croise

Lucas 15:19

Adiyakon maibagaya abeng nu yoong pangngaasim ta ibilangak un osa’n baba-unom.’

Lucas 15:21

Utdi, kinnanan dit abeng sit ama na un, ‘Ama, nakabasuḻak kan Apudyus padana pay kan sika. Adiyakon maibagaya abeng nu.’

Kingkingwan 2:39

Satu un sapatan Apudyus mampooy kan dikayu kan sidat aabeng yu kama pay sidan losana tagu’t dan adaddayuwana igaw. On, mampooy sidan losana ayagan Apudyus un Apu taku un umoy kan siya.”

Kingkingwan 20:37

Ot gaibilan dat tagu’t di un nangapawoḻ kan nangogok kan siya.

Efeso 2:13

Yoong sinsatun gaputa nantaḻgod kayu kan Jesu Kristu, dikayu’n adayu kan Apudyus sidit, naiyadani kayuwon gapu’t dit daḻan Kristu un nan-ayus sit natoyana.

Efeso 2:17

On, dummatong si Kristu un nangitudtudu kan dikayu’n siguda adayu kan Apudyus kan padana pay kan dikamin mauguda taguna un mabalin taku’n losana maitunus kan Apudyus.