Lucas 15:18 - Kalinga Limos

¹⁸ Manaḻanakot ta mangulinak kan ama ot kanak kan siya un, ‘Ama, pakawanonak ta nakabasuḻak kan Apudyus kan padana pay kan sika.

Lucas 15:18 Iomraidhean Croise

Mateo 3:6

Impudnu da dat basuḻ da asin Juan binunyagan dida utdin wangwang Jordan.

Mateo 6:14

“Nu pakawanon yu dat makabasuḻ kan dikayu, pakawanon dikayu pay kan Ama yu ud langit.

Mateo 6:9

Kama’t tu nat manluluwaḻu yu: ‘Ama mi un awad langit, iluwaḻu mi un madaydayaw nat ngadan nu.

Mateo 7:11

Ot nu dikayu un nadadag tigammu yu un mangitod si napiya utdan anak yu, amodot kan Ama yu ud langita mangtod sidan napiya utdan mangkodaw kan siya.

Lucas 11:2

Kinnana’n Jesus kan dida un, “Nu manluwaḻu kayu siya tu tun kanan yu. ‘Ama, iluwaḻu mi un madaydayaw nat ngadan nu. Iluwaḻu mi un dumatong nat man-apuwam.

Lucas 15:17

Utdit masomsomok na, kanana un, ‘Adu’n masawaḻ sit kanon dadit baba-unon amak sin boḻoy mi yoong antuwak situ un matmattoyan situn bitil ku.

Lucas 15:19

Adiyakon maibagaya abeng nu yoong pangngaasim ta ibilangak un osa’n baba-unom.’

Lucas 15:21

Utdi, kinnanan dit abeng sit ama na un, ‘Ama, nakabasuḻak kan Apudyus padana pay kan sika. Adiyakon maibagaya abeng nu.’

Lucas 18:13

“Yoong sadit man-uuḻup si bugis, ininggaw sit ad-adayu ot adina pay mantangad langit un manluwaḻu. Ot binbintugona dit paḻagpag na gapu’t babawi na ot kinnanana un, ‘Apu, kaasiyanak ta gumabasuḻaka tagu!’