Lucas 12:28 - Kalinga Limos

²⁸ Ot nu siya di un papiyaon Apudyus dat simalona sabsabung un matagu’t tun aḻgaw yoong mabigat kad sobgon da dida, bokon kada amo sosomkona dikayu ot itdona dat mambadut yu? Nakapsuta taḻon nat pammati yu.

Lucas 12:28 Iomraidhean Croise

Mateo 14:31

Ot dagusa inaggoman Jesus un kanana’n, “Kaakit nat pammatima! Apay manduwaduwa ka?”

Mateo 16:8

Yoong titiggammun Jesus dit babagbagaon da ot kanana kan dida un, “Kaakit nat pammati yun. Apay un sanat kamaid di tinapay yu nat babagbagaon yu?

Mateo 17:17

Summungbat si Jesus un, “Ay, naid pammati yu un tagu’t tuwa lonap kan bokobokon nat somsomok yu! Kamaan nat kabayag ku un iinggaw kan dikayu inggana’t manuttuwa kayu? Kamaan nat kaandun nat mangiyan-anusak kan dikayu? Idatong yu kan sakon nat abeng.”

Mateo 17:20

Summungbat si Jesus un, “Onta akit nat pammati yu. Tuttuwa tun ibagak kan dikayu un, ulay nu kama’t bukoḻ di mustasa nat kaban-og nat pammati yu, mabalina kanan yu uttun bateled un, ‘Umalis ka utdi,’ ot umalis. Maida taḻon adiyu makwa.

Mateo 6:30

Ot nu kama’t di un papiyaon Apudyus dan simalona sabung un matagu’t tun aḻgaw yoong mabigat kad masgob da, bokon kada amo sosomkona nat mambadut yu? Nakapsuta taḻon nat pammati yu!

Mateo 8:26

Summungbat si Jesus un, “Apay kumimut kayu? Kaakit nat pammati yun!” Utdi, gummangun si Jesus ot ginimauwana dit bayogbog kan paḻuung ot gumminok da.

Lucas 8:25

Utdiyon imbagan Jesus sidat disipulus na un, “Kawad dit pammati yu kan sakon nu?” Nasnasdaaw kan nakakimut da ot nampaim-imkaw da un, “Singngadan kad nin ditu un tagu ta bilinona dat bayogbog kan paḻuung kad tuttuwaon da.”

Hebreo 6:7

Sadanata tagu maiyalig da si pita. Nu san pita un maudaudanan ta naḻaba nat tumubu un muḻmuḻa un manselbi’n mangkapiyaan din makinpita, bindisyunan Apudyus diya pita.

1 Pedro 1:24

Ta kanan dit ugud Apudyus un, “Maipada si bollat dan losana tagu ot san kinabaḻbaḻu da maipada’t dit sabung na. Nu maḻangu dit bollat maotdag dit sabung na.