Juan 6:24 - Kalinga Limos

²⁴ Yoong mailan man dat tagu un naid si Jesus onnu sadat disipulus na utdi, nanlugan da’l lawa payon sidat bangka’n umoy Capernaum un umoy manginap kan Jesus.

Juan 6:24 Iomraidhean Croise

Mateo 14:34

Utdit makadoḻmang da, dummangpot da utdin boboḻoy Genesaret.

Marcos 1:37

Utdit maodasan da kanan da kan siya un, “In-innapon dika’t dan losana tagu.”

Marcos 6:53

Utdit makadoḻmang da, dummangpot da utdin boboḻoy Genesaret. Insilu da dit bangka da utdit dupit.

Lucas 8:40

Utdit nan-ulin da Jesus sit domang bananaw, mataḻok dat adu’n tagu’n manguuway kan siya’t di.

Juan 20:15

Gumminga si Jesus ot kinnanana’n, “Apay man-i-ibil ka? Singngadan nat inapom?” Kanan nin Maria nu sadit man-aayyuwan sit mumuḻ-an dit nakabagbaga kan siya ot kinnanana’n, “Apu, nu inaḻam dit ladag Jesus, pangaasim ta ibagam nu kawad dit umoy ka nangiggaan ta umoyak aḻan.”

Juan 6:17

Ot nanlugan da utdit bangka’n mandoḻmanga mangulin ud Capernaum. Lumabi ullawaon, naid payyan sumaaḻ kan Jesus kan dida.

Juan 6:23

Inggaw da ud bangka’n nanligwat Tiberias un dummatong sit adani’t dit igawa nanganan da utdit tinapay un impakan Jesus sit naabusa nanyaman kan Apudyus.

Juan 6:26

Kanan Jesus un summungbat un, “Tuttuwa tun ibagak kan dikayu un bokona inapon yu ud sakon gaputa naila yu dat am-amuga kingwak, nu adi gaputa nabsug kayu utdit tinapaya kinan yu.

Juan 6:59

Siyadatu dat intudtudun Jesus sidit nantudtuduwana’t dit sinagoga utdin Capernaum.

Juan 7:11

In-innapon dadit pappangat di Judio si Jesus sidit pipiyestaan un kanan dan, “Kawad na kadnin?”