Juan 20:15 - Kalinga Limos

¹⁵ Gumminga si Jesus ot kinnanana’n, “Apay man-i-ibil ka? Singngadan nat inapom?” Kanan nin Maria nu sadit man-aayyuwan sit mumuḻ-an dit nakabagbaga kan siya ot kinnanana’n, “Apu, nu inaḻam dit ladag Jesus, pangaasim ta ibagam nu kawad dit umoy ka nangiggaan ta umoyak aḻan.”

Juan 20:15 Iomraidhean Croise

Mateo 12:34

Ot dikayu’n kaganakan di uḻoga nagita, innona’n makaibaga kayu’t napiya nu nadadag nat somsomok yu? Ta sanat awad sinat kasomsomkan di tagu, siya’d ibosway dinat sangi na.

Mateo 28:5

Yoong kinnanan dit anghel sidadit babai un, “Adi kayu kumimut, ta tigammuka inapon yu si Jesus un nailansa’t dit kulus.

Marcos 16:6

Ot kanana kan dida un, “Adi kayu masdaaw, tigammuka inapon yu si Jesus un iNazaret un nailansa’t dit kulus. Naid situ ta ummungaḻon. Umoy kayu ilan tun nangibanatan da kan siya.

Lucas 2:44

Kanan da nu awad sidat bungguy da ot nakaingkiyakiyang da un nampasin-aḻgaw. Utdi, ininap da utdat kakabbagiyan da kan gagayyom da

Lucas 24:5

Gaputa amod dit kimut da, nantumog da yoong kinnanan dat laḻaki kan dida un, “Apay in-innapon yu utdan natoy nat matattaguwan?

Juan 1:38

Man-awing man si Jesus, naila na dida’n maitungtung-ud kan siya ot inimus na un, “Ngadan nat inapon yu?” Summungbat da un, “Kawad nat inggawam, Mistulu?”

Juan 18:4

Gaputa tigammunon Jesus dat losana maipasamak kan siya, ummoy na inab-abot dida un dit dumoḻdoḻ ot kinnanana’n, “Sin nat inapon yu?”

Juan 18:7

Inimus payyan Jesus un, “Sinnat inapon yu?” Ot kanan da payyan un, “Si Jesus un iNazaret.”

Juan 20:13

Gumminga dat duwa’n anghel un, “Apay man-i-ibil ka?” kinnanan da kan Maria. Summungbat si Maria un kanana’n, “Inaḻa da dit long-ag ud Apuk ot naid tigammuk nu sindit umoy da nangiggaan kan siya!”