Juan 18:38 - Kalinga Limos

³⁸ Inimus Pilato uman un, “Ngadan na un katuttuwaan?” Abuson man Pilato un ibaga di, lummaksun uman ot imbagana’t dat Judio un, “Maid odasak si basuḻ dituwa tagu.

Juan 18:38 Iomraidhean Croise

Mateo 27:24

Utdit mailan Pilato un naid makwa na ot manlugiyona magulu dat tagu, nangaḻa’t danum ot binuḻuwana dat ima na utdit atubang dat kaaduwan ot kanana’n “Naid biyang ku utnat mapatoyan dituwa tagu. Nangamung kayu pay lawan.”

Marcos 15:14

Kanan Pilato kan dida un, “Tapay? Ngadan nat nadadaga kingwa na?” Amo indangsodangsoḻ daot dit pakuy da un, “Pailansam si kulus.”

Lucas 23:4

Utdi, kinnanan Pilato utdat aap-apun di padi kan dat adu’n tagu un, “Maid odasak si gapun di manusaak situwa tagu.”

Juan 18:33

Nangulin si Pilato utdit daḻom ot pinaadani na si Jesus asina inimusan un, “Sika kad dit Alin dat Judio?”

Juan 19:4

Lummaksun uman si Pilato ot kanana’t dat kaaduwan un, “Antu, ilaksun ku kan dikayu daḻapnu manigammuwan yu un naid maodasak si nakabasuḻana.”

Juan 19:6

Ilan man dat aappun di padi kan dat man-aandog sit timplu, “Pailansam sin kulus, pailansam sin kulus!” kanan da un dit gummiyagiya. Yoong kinnanan Pilato un, “Aḻan yu, ta dikayu’d mangilansa pay lawan kan siya utdin kulus, ta naid odasak si nakabasuḻana.”

Kingkingwan 17:32

Utdit magngoḻan da dit imbagan Pablo maipanggop sit umungaḻan dat matoy inyeemeng dat udum yoong kanan dat udum un, “Piyaon mi payyan un dongḻon tun maipanggop situ.”

1 Pedro 1:19

nu adi sat napotoga daḻan Jesu Kristu. Kama’t naidatuna kannelu un maida taḻon unawana.