Juan 15:14 - Kalinga Limos

¹⁴ Dikayu’d gagayyom ku nu tuttuwaon yu dat bilin ku.

Juan 15:14 Iomraidhean Croise

Mateo 12:50

Ta singngadan na mana mangwa’t dan ipakwan Amak langit, dida’d susunud ku kan inak.”

Lucas 12:4

Intuluy Jesus ot kanana’n, “Ibagak kan dikayu’n gagayyom ku un adi kayu umogyat sidan kumatoy si long-ag un siya ullawa’d mabalina makwa da.

Juan 13:17

Sinsadinon ta tigammu yu un tuttuwa tun imbagak nagasat kayu nu siya’d koon yu.

Juan 14:15

“Nu pipiyaon yu ud sakon tuttuwaon yu dat bilin ku.

Juan 14:21

“Sanat umawat kan tumuttuwa utdan bilin ku siya’d mamippiya kan sakon ot sat mamippiya kan sakon pipiyaon pay Amak, padana pay kan sakon ta pipiyaok ot ipatigammuk pay kan siya nat maipanggop kan sakon.”

Juan 14:28

Dingngoḻ yu dat imbagak kan dikayu un manaḻanak yoong mangulinak. Nu pipiyaonak kan dikayu, mataḻok kayu ta manaḻanak kan Ama un nangatngatu nu sakon.

Juan 2:5

Utdi imbagan dit ina na utdat alluwagi un, “Koon yu nu ngadan nat ibaga na kan dikayu.”

Santiago 2:23

Ot natungpal dit naugud sit ugud Apudyus un kanana’n, “Nanuttuwa si Abraham kan Apudyus ot gapu’t dit pammati na imbilang Apudyus un nalintoga tagu.” Siya’d gapuna un naawagan un gayyom Apudyus.

1 Juan 5:3

Ta sadin mampipiya taku kan Apudyus, san manuttuwaan taku’t dan bilin na. Ot bokona nadagson dan bilin na.