Juan 14:18 - Kalinga Limos

¹⁸ “Adik dikayu ulilaon ta ulay nu manaḻanak, mangulinak payon kan dikayu.

Juan 14:18 Iomraidhean Croise

Mateo 18:20

Ta nu sinnat kawadan di duwa onnu tuḻu’n mandatdatonga maipagapu’t din naiyossaanan da kan sakon, awadak pay kan dida utdi.”

Mateo 28:20

kan tudtuduwan yu dida un mantungpal sidan losana imbilin ku kan dikayu. Ot tatandaanan yu, awadak un kankanayuna mamuḻubuḻun kan dikayu inggana’t anungus ditun lubung.”

Juan 14:16

Ot kodawok kan Amak ta mangibaun si Katuḻungan yu un maisukat kan sakon un iinggaw kan dikayu si inggaingga.

Juan 14:3

Ot nu maisaganak, mangulinak ta umoyak aḻan dikayu daḻapnu singngadan na man un awadak, awad kayu pay.

Juan 16:16

“Bokona mabayag, adiyuwon maila’d sakon, yoong adina uman mabayag ilan yu ud sakon payyan,” kinnanan Jesus.

Juan 16:33

Indaan ku un imbaga datu kan dikayu daḻapnu kapkapiya kayu utnat naiyossaanan yu kan sakon. Adu’n ligat nat sagapaḻon yu uttun lubung yoong pabilgon yu nat somsomok yu. Inabak kuwon dat losana laweng situn lubung.”

2 Tesalonica 2:16

Iluwaḻu mi ta si Apu taku un Jesu Kristu kan si Apudyus un Ama taku pabos-oḻon da nat angos yu kan pabilgon dikayu un mangwa kan mangibaga utdan losana nabaḻu. Si Apudyus ud namippiya kan ditaku kan mangtod si mannanayuna kinabos-oḻ di angos kan nabaḻu’n namnama taku gapu utdit kaasina.

Hebreo 2:18

Sinsadinon, gaputa napadasana’d nanligat kan sinugsugan Satanas, mabalin na un tuḻungan dat padpadason Satanas.