Taitas 3:3 - Kalam Minimib

³ Pen tari: cɨn ke ned ak rek nep gos nɨŋ tep ma gɨl, God Mɨnɨm ageb rek yo nɨŋɨl, mɨb goŋ cɨn ke gos gɨp rek nep gɨn, agɨl, bɨ nagɨman rek mɨdolɨgɨpɨn. Cɨn tap si tap tɨmel nep gɨlɨg gɨ mɨdolɨgɨpɨn; bin bɨ okok kɨrop gos tɨmel nɨŋɨl, tap kɨri okok tap cɨn rek mɨdobkop agɨl, cɨn pen nɨŋon mɨlɨk yapek kɨri pen nɨŋel mɨlɨk yapek golɨgɨpɨn. Pen yo nɨŋel pen yo nɨŋɨl golɨgɨpɨn.

Kalam

³ Pen yenen: chin kunep nind mindrep ma yimb giyiŋgipun. Chin biynimb sakiy; key niŋbun aŋgiy, minim aŋgyiŋgipay gok ma niŋiy; yerer giniŋg, gos chin keynep niŋiy giyiŋgipun. Seytan yip mindiy mey, key niŋbun aŋgyiŋg minim ma niŋiy, chinup key tep giyiŋgip ar ak nep giyiŋgipun. Biynimb gok kuyip miluk niŋiy, penpen yiruk niŋyiŋgipun.

Taitas 3:3 Iomraidhean Croise

Matyiw 21:29

Agek, ñɨ ne agnɨgab, ‘Adi am ma gɨnɨm,’ agɨl, kɨsen pen gos adɨk nɨŋɨl, am wain wög ak genɨgab.

Jisas Krais Mɨnɨm Tep ak Luk ñu kɨl tɨkak 21:8

Agelak, Jisas kɨrop agak, “Nɨŋ tep gɨnɨmɨb! Bin bɨ koŋai nep apɨl tom pagɨl, yɨb yad ak dɨl agnɨgal, ‘Yad nep apebin. Ñɨn kɨb ak owɨp,’ agnɨgal. Nɨb agenɨgal ak, nɨŋɨd agebal agɨl, kɨrop kɨsen ma gɨnɨmɨb.

Jisas Krais Mɨnɨm Tep ak Jon ñu kɨl tɨkak 8:34

Agelak, Jisas pen agak, “Yad nɨbep nɨŋɨd yɨb agebin, bin bɨ tap si tap tɨmel gɨpal okok, tap si tap tɨmel gep won ak nep mɨñ wög gep bin bɨ rek mɨdebal.

Pol Rom bin bɨ kɨrop mɨj ñu kɨl tɨkak 11:30

Nɨbi ned God mɨnɨm agak ak dɨ yokölɨgɨpɨm pen kɨsen Isrel bin bɨ God mɨnɨm ne kɨrɨg gel, nɨbep pen yɨmɨg nɨŋɨl dɨ tep gek, ne eip mɨd tep gɨpɨm.

Pol Rom bin bɨ kɨrop mɨj ñu kɨl tɨkak 6:12

Tap si tap tɨmel gep won ak, nɨbep ñon gɨ lɨp gɨ dam, bɨ mɨñ wög gep rek mɨdɨl, tap si tap tɨmel gɨm, agnɨgab. Pen nɨbi mer agnɨmɨb.

Pol Rom bin bɨ kɨrop mɨj ñu kɨl tɨkak 6:17

Ned nɨbep tap si tap tɨmel gep gos ak nep lek, bin bɨ mɨñ wög gep rek mɨdɨl, ar nɨbak nep gölɨgɨpɨm. Pen kɨsen, Jisas mɨnɨm tep ak nɨŋɨl, pɨs nep nɨŋ dɨpɨm. Nɨg gɨpɨm ak, yad God nop tep agebin.

Pol Rom bin bɨ kɨrop mɨj ñu kɨl tɨkak 6:22

Pen mɨñi God ne gek, nɨbi tap si tap tɨmel mok okok mɨdɨl, aŋ dɨl, God mɨñ wög gep bin bɨ rek mɨdɨl, God nɨŋek tep gɨnɨgab ar ak nep gɨl, komɨŋ per mɨdep magɨl ak dɨnɨgabɨm.

Pol Rom bin bɨ kɨrop mɨj ñu kɨl tɨkak 6:6

God ne gos nɨŋak, tap si tap tɨmel gep nag ak pɨs nep tɨb gɨ rɨk gek, kɨsen bin bɨ okok kɨrop mɨñ wög gep bɨ rek, kanɨb tɨmel ak dɨ lɨp gɨ ma dad amnɨmɨŋ, ag gos nɨŋak. Nɨb ak me, nag ar tɨmel golɨgɨpɨn ak, Krais eip mab bak alaŋ ñag pak lel kɨmak.

2 Korid 12:20

Yad pɨrɨkpin ak, yad am nɨbep nɨŋnɨgain ñɨn ak, nɨbi gɨpɨm rek nɨŋen, yɨp tep ma gɨnɨgab. Nɨbak rek, nɨbi yɨp nɨŋnɨgabɨm ak, yad gɨpin rek nɨŋem, nɨbep tep ma gɨnɨgab. Nɨbi pen pen agɨl asɨk ke ke lɨl, tap kɨri okok cɨn nep dɨn agɨl, ai mam ognap nɨŋem mɨlɨk yapek, nɨbep ke nep tep gɨnɨmɨŋ ar ak nep gos nɨŋɨl, bin bɨ ognap kɨrop mɨnɨm tɨmel agɨl, kɨrop mɨnɨm dɨl, yɨb nɨbi ke dap ranɨl, abramek gɨl gɨnɨmɨb rek lɨnɨgab ak yad pɨrɨkpin.

Galesia 6:3

Cɨn ke tap tep alap ma mɨdeb. Bin bɨ ognap, cɨn ke bin bɨ tep agnɨgal ak, mɨnɨm esek agnɨgal.

Kolosi 1:21

Nɨbi ned tap si tap tɨmel gos nɨŋlɨg gɨ, nɨb aknɨb rek nep gɨlɨg gɨ mɨdɨl, God bin bɨ ñag ñɨŋeb ne mɨdɨl, par okok rek mɨdelɨgɨpɨm.

Kolosi 3:7

Nɨbi ke ned nag tɨmel ar nɨbak nep gos nɨŋɨl, nɨb aknɨb rek nep gölɨgɨpɨm.

2 Timoti 3:13

Pen bin bɨ tɨmel mɨnɨm esek ar ak nep ag ñɨbal okok, gɨ tɨmel yɨb gel gel amek, kɨri ned bin bɨ tɨmel mɨdelɨgɨpal rek mer, kɨsen bin bɨ tɨmel aknɨb ke mɨdenɨgal. Kɨri ke God kanɨb tep ak ma nɨŋɨl, bin bɨ ognap kɨrop mɨnɨm esek nɨbak ag ñel, kɨri ak rek nep God kanɨb tep ak ma nɨŋnɨgal.

2 Timoti 3:6

Bɨ nɨb okok rek ognap, kapkap karɨp karɨp pɨyo am nɨŋ amel nɨŋlɨg gɨ, bin gos tep ma mɨdeb okok, kɨrop wasu ag dɨl karɨp mɨgan kɨri dad amel, kɨri mɨnɨm esek kɨrop ag ñel, bin nɨb okok pɨs ken nɨb okok amnɨgal. Bin nɨb okok, tap si tap tɨmel gɨpɨn okok acɨr ak, titi gɨl lɨg gɨ yokɨl, mɨd tep gɨn, agɨl, mɨker kɨb yɨb nɨŋɨl, gos par nɨŋlɨg gɨ mɨdebal. Pen mɨdmagɨl kɨri pɨlɨs gek, gos tɨmel ke ke koŋai nep am kɨrop dɨ okdaŋ okɨl gɨl, kanɨb tɨmel nɨb okok dɨ lɨp gɨ dad ameb.

Taitas 1:16

Cɨn God nop nɨŋ dɨl, bin bɨ ne mɨdobɨn apal ak pen kɨri gɨpal rek nɨŋɨl nɨpɨn, kɨri God bin bɨ ne mer. Kɨri God Mɨnɨm tep ageb rek yo nɨpal ak me, kɨri tap tep alap gɨnɨmel rek ma lɨp. Gɨpal nɨbak God nɨŋek mɨlɨk yowɨp.

Taitas 2:12

God ne cɨnop yɨmɨg yɨb nɨŋɨp ak nɨŋɨl nɨpɨn, tap si tap tɨmel gɨpɨn okok abe, mɨb goŋ cɨn ke lɨp gek gɨpɨn ak abe, kɨrɨg gɨl, karɨp lɨm mɨdobɨn wagɨn aul, gos nɨŋ tep gɨl, bin bɨ ognap kɨrop tap tɨmel alap ma gɨl, kɨlɨs gɨl God Mɨnɨm ageb rek nep gɨn.

Jemis 1:26

Pen bin bɨ, God nop wög gɨ tep gɨn, agɨl, aleb kɨri ke nɨŋ tep ma gɨnɨgal okok, kɨri sɨdol gɨl, kɨrop ke mɨnɨm esek apal. Kɨri wög tari gɨpal ak, magɨlsek tap yokop rek lɨp.

1 Pita 1:14

Nɨbi ned Jisas Krais mɨnɨm tep ak ma nɨŋɨl, gos tɨmel nɨbi ke nɨŋɨl gölɨgɨpɨm rek ma gɨnɨmɨb; nɨbi God ñɨ pai ne mɨdebɨm ak me, mɨnɨm ne ageb rek ak nep gɨnɨmɨb.

Repelesin 13:14

Pen God ne tap sapeb kɨsen nɨb nɨbak nɨŋebir kɨrɨg gek, tap sapeb ned nɨb udɨn yɨrɨk ne sɨŋak tap ma gep rek gek ak me, bin bɨ lɨm dai tɨgoŋ tɨgoŋ magɨlsek mɨnɨm tom ne ak nɨŋ dɨlak. Tap sapeb kɨsen nɨb ak bin bɨ okok kɨrop agek, kɨri tap sapeb tu par kɨd dɨ pɨs nep ñag pak lɨlak ak pen kauyaŋ mɨdeb ak yɨb ne dap rannɨg, tap nop rek kaunan alap gɨ lɨlak.

Repelesin 18:2

Ejol nɨbak apɨl sɨk kɨb agɨl agak, “God gek taun kɨb yɨb Babilon pɨs nep ap yap pakɨp o! Pɨs nep ap yap pakɨp o! God gek taun kɨb nɨbak, bin bɨ alap ma mɨdeb yɨb; kɨjeki kɨyob ñɨlɨk yakɨr tɨmel okok nep mɨdeb e.