Pol Rom bin bɨ kɨrop mɨj ñu kɨl tɨkak 9:33 - Kalam Minimib

³³ Mɨnɨm nɨbak rek, Aisaia ne God mɨnɨm agak rek ñu kɨl tɨkɨl agak, “Nɨŋɨm! Yad taun kɨb Saion kab alap len, bin bɨ tob kɨri kab ar nɨbak lɨ yokek ap yap paknɨgal; pen bin bɨ nop nɨŋ dɨnɨgal okok, God nop nɨŋɨl nabɨŋ ma dɨnɨgal,” agak.

Kalam

³³ Minim kun ak rek Baybol buk ak tikiy aŋgyak: “Niŋim! Yand miñmon Sayon kamb tep ak ayen, biynimb gok tomb kiyk ak ar kun ak aldek, apyap pikniŋgambay; pen biynimb nup gosimb niŋniŋgambay gok, kor giy nambiŋ ma diniŋgambay aŋgyak.”

Pol Rom bin bɨ kɨrop mɨj ñu kɨl tɨkak 9:33 Iomraidhean Croise

Matyiw 21:42

Agelak, Jisas agak, “God Mɨnɨm ñu kɨl tɨklak ak ma nɨpɨm rek lɨp. Kɨri ñu kɨl tɨkɨl aglak, ‘Bɨ karɨp gep okok, kɨri makɨd karɨp gɨnɨg gɨ, makɨd alap dɨl aglak, “Kab aul kab tɨmel gɨp gö kɨrɨg gɨn,” aglak. Pen Bɨ Kɨb ne gek nɨŋɨl kab nɨbak nep karɨp ne sɨŋak kab tep ke yɨb mɨdeb. Bɨ Kɨb ne nɨg gek, cɨn nɨŋɨl wal yɨb agobɨn,’ aglak.

Matyiw 21:44

Bin bɨ kab ar nɨbak ap yap paknɨgal okok, kɨrop tapɨn nep paknɨgab; pen kab nɨbak ju yapɨl, bin bɨ pak rɨbɨknɨgab okok, pɨs nep pag jɨsɨpɨk masɨpɨk gɨ amnɨgab,” agak.

Pol Rom bin bɨ kɨrop mɨj ñu kɨl tɨkak 10:1

Mɨdemam yad okok. Gos kɨlɨs yɨp owɨp ak, God bin bɨ yad Isrel kai kɨrop dɨ komɨŋ yoknɨmɨŋ, agɨl, nop per nep sobok gɨlɨg gɨ mɨdebin.

Pol Rom bin bɨ kɨrop mɨj ñu kɨl tɨkak 10:11

Ar nɨbak rek, Aisaia ne God Mɨnɨm dai alap ñu kɨl tɨkɨl agak, “Bin bɨ nop nɨŋ dɨnɨgal okok, God nop nɨŋɨl nabɨŋ ma dɨnɨgal,” agak.

Pol Rom bin bɨ kɨrop mɨj ñu kɨl tɨkak 5:5

Pen nɨg gɨl gos sek mɨdenɨgabɨn ak, yokop ma mɨdenɨgabɨn. Tari gɨnɨg: God ne Kaun Sɨŋ ak cɨnop ñɨl cɨnop mɨdmagɨl yɨb lɨpir.

Galesia 5:11

Pen ai mam sɨkop nɨŋɨm! Krais bin bɨ nɨŋ dɨpal okok kɨrop wak tɨb gɨ rɨk gɨnɨmɨb apnep, bɨ okok yɨp gɨ tɨmel ma gɨplap. Yad wak tɨb gɨ rɨk gɨnɨmɨb apnep, Krais ne bin bɨ okok nen agɨl mab kros bak alaŋ kɨmak mɨnɨm tep nɨbak nɨŋel mɨlɨk ma yopkop.

Pilipai 1:20

Pen yɨp tep gɨnɨgab ak, yad tap tari tari gɨnɨgain, komɨŋ mɨdenɨgain aka kɨmnɨgain, yad gos sek mɨdɨl mɨb goŋ yad kɨlɨs gɨl Krais mɨnɨm tep ne ak ag ñɨl, yɨb ne ak agen ar alaŋ amek nɨŋlɨg gɨ yad nabɨŋ ma gɨnɨmɨŋ. Ned nɨg gak ak, kɨsen nɨb aknɨb rek nep gɨnɨmɨŋ ak tep.

2 Timoti 1:12

Jisas mɨnɨm tep ne ak ag ñɨ ajenek ak me, yɨp gɨ tɨmel gel, koslam mɨdebin. Pen yad kaun amek nɨŋlɨg gɨ ma mɨdebin; yad gos sek mɨdebin. Bɨ nɨŋ dɨpin ak, Bɨ nɨbak bɨr nɨpin. Yad nop tap ñɨbin ak, ne tap nɨbak dɨ kod mɨd tep gɨl, gɨ dam dam, ñɨn kɨsen ak onɨgab.

1 Jon 2:28

Ñɨ pai mɨdmagɨl yad okok. Krais nop cɨg gɨl nep mɨdem me, ne adɨk gɨ onɨgab ñɨn ak, nop nɨŋon nabɨŋ ma gɨnɨgab; wɨsɨbɨl ak nep gɨl mɨdonɨgabɨn.