Pol Rom bin bɨ kɨrop mɨj ñu kɨl tɨkak 4:9 - Kalam Minimib

⁹ Depid mɨñ mɨñ gep magɨl agak ak, bin bɨ ñɨ wak tɨb gɨ rɨk gɨpal okok nep mɨnɨm ak dɨnɨgal? Mer yɨb! Bin bɨ ñɨ wak tɨb gɨ rɨk ma gɨpal okok abe dɨnɨgal. God Mɨnɨm ñu kɨl tɨkɨl aglak dai nɨbak mɨñi nep agesin: “Ebraham ne God mɨnɨm agak ak nɨŋ dak ak me, God nop, ‘Nak bɨ tep yad,’ agak.”

Kalam

⁹ Biynimb tap siy tap timey giy, asiŋ mindey, Gor gach kuyip niŋiy kirgek, tep gakniŋ mindpay aspun kun gok an? Biynimb kumbak tikiy, Jiwda low keykey ar kun gok giyiŋg, Jiysis nup gosimb niŋbay gok nep akaŋ; biynimb yikop nup gosimb niŋbay gok sek? Mey, biynimb yikop gok sesek.

Pol Rom bin bɨ kɨrop mɨj ñu kɨl tɨkak 4:9 Iomraidhean Croise

Jisas Krais Mɨnɨm Tep ak Luk ñu kɨl tɨkak 2:32

Ne melɨk tep rek apɨl, Juda bin bɨ mer okok kɨrop pak ñek, God bɨ tigep bɨ rek mɨdeb ak nɨŋnɨgal. Ne melɨk tep aknɨb ke nak dapɨl, Isrel bin bɨ nak okok kɨrop pak ñɨnɨgab,” agak.

Pol Rom bin bɨ kɨrop mɨj ñu kɨl tɨkak 4:10

Based acɨk cɨn Ebraham, wak tɨb gɨ rɨk ma gak ñɨn ak, God mɨnɨm agak ak nɨŋ dek, God nop, “Nak bɨ tep yad,” agak.

Pol Rom bin bɨ kɨrop mɨj ñu kɨl tɨkak 4:3

Pen ti gɨnɨg Ebraham yɨb ne ke ma dap ranbkop? God Mɨnɨm ageb, “Ebraham ne God mɨnɨm agak ak nɨŋ dak ak me, God nop ‘Nak bɨ tep yad,’ agak.”

Galesia 3:14

Pen Krais cɨnop tau adɨk dak ak, God Ebraham nop mɨnɨm tep agak ak, Krais Jisas gek Juda bin bɨ mer okok tap tep nɨbak dɨnɨmel agɨl, nɨg gak. Juda bin bɨ mer okok mɨnɨm tep nɨbak nɨŋ del, God ne Kaun ne cɨnop Krais bin bɨ ne ñɨnɨgain agɨl, nɨg gak.

Epesas 3:8

God bin bɨ ne ognap bin bɨ kɨb, ognap bin bɨ sɨkol. Yad bɨ sɨkol yɨb ak pen God yɨp yɨmɨg nɨŋɨl gɨ tep gek, Juda bin bɨ mer okok kɨrop, Krais cɨnop gɨ tep yɨb gɨl dɨ tep yɨb gɨp, mɨnɨm tep ak ag ñɨbin. Pen mɨnɨm nɨbak dai ma juɨp.

Kolosi 3:11

God nɨg gak ak me, Grik bin bɨ okok ke, Juda bin bɨ okok ke ma mɨdebal. Bin bɨ wak tɨb gɨ rɨk gɨpal okok ke, bin bɨ wak tɨb gɨ rɨk ma gɨpal okok ke ma mɨdebal. Bin bɨ mɨj ñu kɨl udɨn lɨ nɨpal okok ke, bin bɨ mɨj ñu kɨl udɨn ma lɨ nɨpal okok ke ma mɨdebal. Bin bɨ kasɨk okok ke, bin bɨ kɨbol okok ke ma mɨdebal. Bin bɨ tau dam lel nag wög gɨpal okok ke, bin bɨ gos kɨri ke nɨŋɨl wög gɨpal okok ke ma mɨdebal. Bin bɨ kɨsen nɨb mɨdobɨn ak me, Krais ne ke nep cɨnop magɨlsek mɨdmagɨl nab adaŋ mɨdek nɨŋlɨg gɨ, tap ognap magɨlsek tap yokop rek lɨp.