Pol Rom bin bɨ kɨrop mɨj ñu kɨl tɨkak 3:31 - Kalam Minimib

³¹ Pen cɨn Jisas mɨnɨm tep ak nɨŋ don, God cɨnop bin bɨ tep yad agnɨgab, agebin ak, lo mɨnɨm okok kɨrɨg gɨnɨgabɨn, agɨl ma agebin, mer. Bin bɨ Jisas mɨnɨm tep ak nɨŋ dɨnɨgal okok, kɨri mɨnɨm tep nɨbak ageb rek nep gel, lo mɨnɨm ak am kɨlɨs gɨnɨgab.

Kalam

³¹ Pen Jiysis nup gosimb niŋjun apiyn ak; nimb aŋgniŋgambim, “Low minim ak kirgiyaŋ aŋgiy asap aŋgniŋgambim.” Kun aŋgiy ma apiyn. Yand apiyn ak; biynimb nup gosimb niŋbay gok, aŋgip rek giyakniŋ, low minim ak amrep yimb giniŋgamb aŋgiy apiyn.

Pol Rom bin bɨ kɨrop mɨj ñu kɨl tɨkak 3:31 Iomraidhean Croise

Matyiw 3:15

Agek, Jisas agak, “Nak ageban ar ak kɨrɨg gɨnɨmɨn, yad agebin rek nep gɨl me, God agɨp agɨp rek nep gɨnɨgabɨr,” agak. Agek Jon, “Nɨŋɨd ageban,” agɨl, Jisas nop ñɨg pak ñak.

Matyiw 5:17

“Nɨbi agnɨgabɨm, Jisas owɨp ak, God Mosɨs nop lo mɨnɨm agak mɨnɨm ar ak abe, bɨ God mɨnɨm agep ognap aglak mɨnɨm ar ak abe, kɨrɨg gɨnɨmɨb agnɨg owɨp agnɨgabɨm ak pen ak mer! Yad opin ak, bɨ God mɨnɨm agep okok gɨnɨgab aglak rek magɨlsek gɨnɨm agɨl opin.

Matyiw 5:20

Bɨ Perisi okok abe, God lo mɨnɨm ag ñeb bɨ okok abe, ‘God mɨnɨm ageb ar ak nep gɨpɨn,’ apal ak pen kɨri yokop mɨnɨm agɨl God mɨnɨm ageb ar ak ma gɨpal, mer. Nɨbi ke pen, God mɨnɨm ageb rek nep yɨpɨd gɨl nep nɨŋ dɨl kɨsen gɨnɨmɨb. Nɨb gɨnɨgabɨm ak me, God nɨbep dɨl seb kab ar alaŋ sɨŋak kod mɨdenɨgab.

Jisas Krais Mɨnɨm Tep ak Luk ñu kɨl tɨkak 20:16

Ne apɨl, bin bɨ nɨb okok kɨrop ñag pak lɨl, wain wög dai nɨbak bin bɨ ognap kɨrop pen agek kod mɨdenɨgal,” agak. Jisas nɨb agek, bin bɨ nɨŋ mɨdelak okok aglak, “Ageban nɨbak rek ma gɨnɨmɨŋ!” aglak.

Pol Rom bin bɨ kɨrop mɨj ñu kɨl tɨkak 10:4

Krais gak nɨbak, mɨñi lo ak kɨr gɨp. Nɨb ak me, bin bɨ an an Jisas mɨnɨm tep ak nɨŋ dɨnɨgal okok, God kɨrop magɨlsek, bin bɨ asɨŋ ma mɨdeb yad, agnɨgab.

Pol Rom bin bɨ kɨrop mɨj ñu kɨl tɨkak 2:20

bin bɨ lo mɨnɨm ma nɨpal okok kɨrop ag ñɨ tep gɨl, ñɨ pai sɨkol okok kɨrop ag ñɨ tep gɨl gɨpɨn,” apɨm. Apɨm nɨbak, apɨm, “God ne lo mɨnɨm cɨnop ñak ak me, gos tep magɨlsek abe, gos nɨŋɨd magɨlsek abe bɨr nɨpɨn,” apɨm.

Pol Rom bin bɨ kɨrop mɨj ñu kɨl tɨkak 3:4

Mer yɨb, ma kɨrɨg gɨnɨgab. Bin bɨ okok magɨlsek ñɨn ognap esek agnɨgal, pen God ne bɨ nɨŋɨd yɨb agɨl, ageb rek nep gɨnɨgab. Mɨnɨm nɨbak rek God Mɨnɨm ak ñu kɨl tɨkɨl aglak, “God, nak mɨnɨm yɨpɨd gɨl nep apan ak, nep mɨnɨm ognap pen agnɨmel rek ma lɨp. Nep mɨnɨm kɨb agenɨgal ak, mɨnɨm wagɨn alap ma mɨdenɨgab,” agak.

Pol Rom bin bɨ kɨrop mɨj ñu kɨl tɨkak 3:6

Mer yɨb! God bin bɨ magɨlsek mɨnɨm kɨb agnɨgab ak, pɨs kɨd aka pɨs kɨd ma amnɨgab; yɨpɨd gɨl ar ak nep agnɨgab.

Pol Rom bin bɨ kɨrop mɨj ñu kɨl tɨkak 4:14

God mɨnɨm kɨlɨs nɨŋɨd agak ak, bin bɨ lo ar ak nɨŋɨl gɨpal okok apkop, God mɨnɨm kɨlɨs nɨŋɨd agak nɨbak tap yokop rek lɨpkop. Tari gɨnɨg: bin bɨ lo ar ak kɨsen gɨl, God bin bɨ ne mɨdonɨgabɨn agɨl nɨpal bin bɨ okok, kɨri magɨlsek lo mɨnɨm ognap tɨb junɨgal nɨŋɨl God kal juɨl, mɨnɨm kɨb agɨl, pen yur ñɨnɨgab. God mɨnɨm kɨlɨs nɨŋɨd agak ak, bin bɨ lo ar ak nɨŋɨl gɨpal okok apkop, God mɨnɨm agak nɨŋ dɨpal ak tap yokop rek lɨpkop. Ti gɨnɨg: bin bɨ God mɨnɨm agak nɨŋ dɨpal okok nɨŋ tep ma gɨl, sɨdol gɨnɨgal. God mɨnɨm kɨlɨs nɨŋɨd Ebraham nop agak ak ma dɨnɨgal.

Pol Rom bin bɨ kɨrop mɨj ñu kɨl tɨkak 7:22

Gos yad ak God lo ñak ak mɨñ mɨñ yɨb gɨpin ak pen gos cɨbur mɨdmagɨl yad nab adaŋ aknɨb ke gɨl, gos magɨl yad ak eip pen pen gek, tap si tap tɨmel gep magɨl ak mɨb goŋ yad nab okok mɨdɨl, yɨp dɨ cɨcɨ lek, yad bɨ nagɨman rek mɨdebin.

Pol Rom bin bɨ kɨrop mɨj ñu kɨl tɨkak 7:25

Bɨ Kɨb cɨn Jisas Krais nep! God nop tep agebin! Pen mɨnɨm agebin aul, nɨg gɨl mɨdeb: gos yad ak God nop mɨñ wög gep bɨ rek mɨdebin ak pen mɨdmagɨl acɨr nab yad adaŋ sɨŋak, tap si tap tɨmel gep magɨl ak mɨñ wög gep bɨ rek mɨdebin.

Pol Rom bin bɨ kɨrop mɨj ñu kɨl tɨkak 8:4

God nɨg gak ak, cɨn gos tɨmel mɨdmagɨl acɨr nab cɨn eyaŋ nɨb owɨp ar ak kɨrɨg gɨl, God Kaun gos ñeb ar ak gɨ damɨl, lo mɨnɨm yad ageb rek gɨ tep gɨnɨmel, ag gos nɨŋɨl gak.

1 Korid 9:21

Pen bin bɨ lo mɨnɨm ak ma nɨpal nab ak amɨl, Krais mɨnɨm tep ak ag ñen nɨŋ dɨlaŋ, agɨl, bin bɨ lo mɨnɨm ma nɨpal okok gɨpal rek nep gɨpin. Pen nɨg gɨl, abramek gɨlɨg gɨ God lo mɨnɨm ak ma kɨrɨg gɨpin; Krais lo mɨnɨm ak kɨsen gɨpin.

Galesia 2:19

Lo mɨnɨm yɨp ñag pak lak nɨŋɨl mɨñi yad cɨp se rek mɨdɨl lo mɨnɨm ak ma nɨpin. Pen mɨñi yad God nop tep gɨnɨmɨŋ ar ak nep gɨnɨm. Krais mab kros bak alaŋ ñag pak lɨlak ak, yɨpe Krais eip ñag pak lel kɨmnek.

Galesia 2:21

God ne bin bɨ okok kɨrop yɨmɨg nɨŋɨl tau adɨk dak mɨnɨm tep ak ma ag junɨgain. Bin bɨ okok lo mɨnɨm ke ke ar ak gel amek, God nɨŋɨl, kɨrop bin bɨ komɨŋ tep yad, apkop ak, Krais cɨnop nen agɨl kɨmak ak yokop kɨmbkop.