Pol Rom bin bɨ kɨrop mɨj ñu kɨl tɨkak 11:9 - Kalam Minimib

⁹ Pen Depid God Mɨnɨm dai alap ñu kɨl tɨkɨl agak, “Kɨri per tap kɨb ñɨbal ak, kɨrop waknaŋ gon rek dɨ cɨcɨ dɨnɨmɨŋ. Amnɨn ag gos nɨŋnɨgal kanɨb nɨbak pɨs nep pɨlɨŋ gɨnɨmɨŋ. Nɨb ak, kɨri gɨ tɨmel gɨpal ak, kɨri pen dɨnɨmel.

Kalam

^9-10 Pen basind Depiyt minim ar nokom kun anep, Baybol buk ak tikiy aŋgak: “Kun gipay kun ak, kuyip niŋey tep gip ar anep gi taŋgey taŋgey, windin koy gek, siŋgaw kaw ak amiy, ñawil diy, ñik giy nep mindeniŋgiy aŋgak.”

Pol Rom bin bɨ kɨrop mɨj ñu kɨl tɨkak 11:9 Iomraidhean Croise

Matyiw 16:23

Agek, Jisas adɨk gɨl, Pita nop agak, “Seten, yɨp kɨrɨg gɨl amnoŋ! Yɨp tari gɨnɨg mer agɨl ageban? God gos nɨŋɨp rek ma nɨpan; bin bɨ gos nɨpal rek nep nɨŋɨl ageban,” agak.

Jisas Krais Mɨnɨm Tep ak Luk ñu kɨl tɨkak 12:20

Nɨb agɨl gos nɨŋnɨgab, pen God nop agnɨgab, ‘Nak bɨ saköl sek yɨb! Mɨñi kɨslɨm nab eyaŋ nep kɨmnɨgan. Tap nak koŋai nep gɨ jɨn gɨ lek mɨdeb nɨb okok, an rek dɨ ñɨb mɨdenɨgab?’ agnɨgab.

Pol Rom bin bɨ kɨrop mɨj ñu kɨl tɨkak 14:13

Nɨb ak, ai mam Krais pɨs ar mɨdebal ognap kɨrop, nɨg gɨpɨm, nɨg gɨpɨm, agɨl mɨnɨm ag gɨpɨm ak kɨrɨg gɨnɨmɨb. Nɨbi gos nɨŋɨl, yad gen ai mam Krais pɨs ar mɨdeb alap sɨdol gɨl, kanɨb koslam ajep rek ak amɨl, yap pakɨl gɨ tɨmel gɨnɨgab, agɨl, kapkap mɨdɨl, ar nɨbak nep gem amnɨmɨŋ.

Hiybriw 2:2

Ejol okok nep lo mɨnɨm ak damɨl, Mosɨs nop ñɨlak ak pen mɨnɨm nɨbak mɨnɨm nɨŋɨd nep mɨdek nɨŋlɨg gɨ, bin bɨ mɨnɨm nɨbak won alap ageb rek ma gɨlak okok abe, bin bɨ won alap tɨb tɨklak okok abe, yur pen dɨlak.