Pol Rom bin bɨ kɨrop mɨj ñu kɨl tɨkak 1:21 - Kalam Minimib

²¹ Nɨb ak, God nop nɨpal ak pen nop tep agɨl, yɨb nop ak agel ar ma amɨb. Gos abramek nɨŋɨl, saköl ñagɨl, kɨslɨm gɨp okok rek mɨdebal.

Kalam

²¹ Nup niŋbay ak pen; niŋey Gor rek ma ayek, yimb nup ak ma dand aranimbay. Gos monmon okok niŋiy, sakiy sek ay, kisyim wip namb okok rek mindpay.

Pol Rom bin bɨ kɨrop mɨj ñu kɨl tɨkak 1:21 Iomraidhean Croise

Jisas Krais Mɨnɨm Tep ak Jon ñu kɨl tɨkak 3:19

God bin bɨ okok kɨrop mɨnɨm kɨb agɨl pen yur ñɨnɨgab, wagɨn nɨbak nɨg gɨl mɨdeb: Melɨk lɨm dai ar wagɨn aul owɨp ak pen bin bɨ okok, melɨk mɨdeb sɨŋak amnɨn, agɨl gos ak ma nɨpal. Kɨri tap si tap tɨmel gɨ mɨdebal rek, kɨslɨm gɨp okok nep mɨdojɨn, agɨl gos ak nep nɨpal.

Aposɨl 26:18

Nak mɨnɨm tep yad kɨrop ag ñek, udɨn kwoi mɨdebal ak, udɨn ñɨl nɨŋnɨgal. Nak mɨnɨm tep yad kɨrop ag ñek, kɨslɨm okok mɨdebal ak, kɨrɨg gɨl melɨk onɨgal. Nak mɨnɨm tep yad kɨrop ag ñek, Seten kɨlɨs won ne mok okok mɨdebal ak, kɨrɨg gɨl God nop onɨgal. Nɨg genɨgal, tap si tap tɨmel gɨpal okok, Bapi nɨŋɨl kɨrɨg gek, bin bɨ ned yɨp nɨŋ dɨpal okok eip kausek komɨŋ mɨdenɨgal,’ agak.

Pol Rom bin bɨ kɨrop mɨj ñu kɨl tɨkak 1:19

God ne tigep Bɨ rek mɨdeb ak, ne ke mɨseŋ lek nɨpal.

Pol Rom bin bɨ kɨrop mɨj ñu kɨl tɨkak 1:28

Kɨsen God mɨnɨm ma nɨŋnɨgabɨn, agɨl, gos nɨŋlak ak me, God kɨrop kɨrɨg gek, tap tɨmel tap ma gep kɨrop mɨdmagɨl pɨlɨs gɨ ñeb okok nep gɨpal.

Pol Rom bin bɨ kɨrop mɨj ñu kɨl tɨkak 11:10

Udɨn kɨri kwoi gek udɨn ma nɨŋnɨmel. Mɨker kɨb apek per koslam kɨd pak dad ajenɨmel,” agak.

Pol Rom bin bɨ kɨrop mɨj ñu kɨl tɨkak 15:9

Nɨb ak, Juda bin bɨ mer okok, God ne cɨnop yɨmɨg yɨb nɨŋɨp, agɨl, yɨb nop agel ar amnaŋ, agɨl, Krais owak. Krais ned Nap God nop mɨnɨm agak rek, Depid God Mɨnɨm dai ognap ñu kɨl tɨkɨl agak, “‘Nɨb ak, yad Juda bin bɨ mer nab okok mɨdɨl, kɨmep agɨl, yɨb nak ak agen ar amnɨgab,’ agɨp,” agak.

2 Timoti 3:2

Kɨri mɨb goŋ kɨri nep gos nɨŋɨl, agon kɨlnok kɨbap mani nep mɨdmagɨl lɨl, cɨn nep bɨ kɨb mɨdobɨn, agɨl, yɨb kɨri ke dap ranɨl, bin bɨ okok kɨrop ag juɨl, nonɨm nap sɨkop kɨrop mɨnɨm tɨb juɨl, bin bɨ kɨrop gɨ tep gɨpal okok kɨrop tep gɨp ma agɨl, God nop gos ma nɨŋnɨgal.

1 Pita 1:18

Nɨbi napɨs nased sɨkop gölɨgɨpal ar ak gɨ damɨl komɨŋ amnɨgabɨn, agɨl, gɨ mer nɨŋem, God nɨbep dak ak, gol silpa kɨbap kɨlnok tap ki gɨp tap yokop okok rek tauɨl ma dak. Pen sipsip ñɨlɨk kadlai ma mɨdeb gac ma gɨp damɨl pak God nop sobok gɨ ñölɨgɨpal rek ak, Krais damɨl ñag pak lel lakañ ne gol silpa kɨbap kɨlnok ma tauep ak yapek kɨmak ak me, God nɨbep tau adɨk dak.

1 Pita 2:9

Pen God ne ke nɨbep dɨl, yakam ne ke ag lɨp. Nɨbi Kiŋ tap sobok gep bin bɨ ne mɨdebɨm. Nɨbi bin bɨ sɨŋ ne mɨdebɨm. Nɨbi God yakam ne ke mɨdebɨm. Nɨg gɨp ak, nɨbi bin bɨ okok nɨb okok nɨb, God ne tap tep aknɨb ke gɨp ak ag mɨseŋ agɨl, ned kɨslɨm nab okok mɨdɨl, koslam gɨ ajölɨgɨpɨm ak pen God ne gek, mɨñi melɨk tep ne nɨŋɨl tag tep gɨpɨm, mɨnɨm nɨbak mɨseŋ agnɨgabɨm. Nɨb agɨl, yɨb ne agem ar amnɨgab.

Repelesin 14:7

Sɨk kɨb agɨl agak, “God ne mɨnɨm kɨb agnɨgab ñɨn ak bɨr owɨp rek, God nop jel gek pɨrɨknɨmɨb. Bɨ Kɨb seb kab ar alaŋ, lɨm dai wagɨn aul, ñɨg solwara, ñɨg kɨlam okok magɨlsek gɨ lak ak, yɨb ne ak agem ar amnaŋ,” agak.

Repelesin 15:4

Bin bɨ magɨlsek nep nɨŋɨl kaun dɨnɨgal. Nak nokɨm nep sɨŋ mɨdeban. Nep, Bɨ Kɨb, agɨl, yɨb nep agel ar amnɨgab. Nak nag yɨpɨd gɨl ar ak nep gɨ tep gɨpan ak nɨŋɨl, bin bɨ karɨp lɨm okok nɨb okok nɨb magɨlsek apɨl nep sobok gɨnɨgal,” aglak.